ലെവര്കൂസന്: സ്വിറ്റ്സര്ലന്ഡ് മദ്ധ്യനിരതാരം ഗ്രനിറ്റ് ഷാക്ക ജര്മന് ബുന്ഡസ് ലിഗ ടീം ബയെര് ലെവര്കൂസനില്. നിലവില് പ്രീമിയര് ലീഗ് ടീം അര്സനലിന് വേണ്ടിയാണ് താരം കളിച്ചുകൊണ്ടിരിക്കുന്നത്. ഏഴ് വര്ഷത്തെ ഇടവേളയ്ക്ക് ശേഷം ബുന്ഡസ് ലിഗയിലേക്ക് തിരിച്ചെത്തുകയാണ് ഷാക്ക.
30കാരനായ ഷാക്കയും ബയെറും തമ്മില് 2028 ജൂണ് 30 വരെ ആണ് കരാര് ഒപ്പിട്ടിരിക്കുന്നത്. 2016ലാണ് ഷാക്ക അര്സനലിലെത്തുന്നത്. ഇതുവരെ 268 കളികളില് ബൂട്ടുകെട്ടി. വര്ഷങ്ങളുടെ ഇടവേളയ്ക്ക് ശേഷം അര്സനല് ഗംഭീര കുതിപ്പ് നടത്തിയ കഴിഞ്ഞ സീസണില് ടീമിനൊപ്പം നിര്ണായക പ്രകടനവുമായി ഷാക്കയും ഉണ്ടായിരുന്നു. ലീഗ് ടൈറ്റില് സ്വന്തമാക്കിയ മാഞ്ചസ്റ്റര് സിറ്റിക്ക് പിന്നില് രണ്ടാം സ്ഥാനക്കാരായാണ് അര്സനല് സീസണ് അവസാനിപ്പിച്ചത്. ഷാക്ക 37 കളികളില് നിന്ന് ഏഴ് ഗോളുകളാണ് കഴിഞ്ഞ സീസണില് അര്സനലിനായി നേടിയത്.
