ബെംഗളൂരു: 2023-24 ബജറ്റില് കര്ണ്ണാടകത്തിലെ കോണ്ഗ്രസ് സര്ക്കാര് മദ്യത്തിന് 20 ശതമാനം വില കൂട്ടാന് തീരുമാനിച്ചു. മുഖ്യമന്ത്രി സിദ്ധരാമയ്യ അവതരിപ്പിച്ച ബജറ്റിലാണ് ഇന്ത്യന് നിര്മ്മിത മദ്യത്തിന് എക്സൈസ് തീരുവ വര്ദ്ധിപ്പിക്കാന് തീരുമാനിച്ചത്. ബിയറിന് 175 ശതമാനത്തില് നിന്നും 185 ശതമാനത്തിലേക്ക് എക്സൈസ് തീരുവ ഉയരും.
പുതിയ മദ്യവില കൂടുന്നതെങ്ങിനെയാണ് പരിശോധിക്കാം. ഇപ്പോള് ഒരു കാര്ട്ടണ് ബോക്സിന് 449 രൂപ വിലയുള്ള മദ്യത്തിന് 179 രൂപയാണ് അധിക എക്സൈസ് നികുതി. പുതിയ ബജറ്റ് നിര്ദേശം നടപ്പാക്കിയാല് ഇത് 215 രൂപയായി ഉയരും. അതുപോലെ 1000 മുതല് 1099 രൂപ വരെ കാര്ട്ടണ് ബോക്സ് മദ്യത്തിന്റെ എക്സൈസ് നികുതി 818 രൂപയില് നിന്നും 982 രൂപയായി ഉയരും.
എക്സൈസ് തീരുവ കൂട്ടുക വഴി സര്ക്കാരിന് 2023-24 കാലഘട്ടത്തില് 36,000 കോടി രൂപ വരുമാനമുണ്ടാകുമെന്ന് മുഖ്യമന്ത്രി സിദ്ധരാമയ്യ പറയുന്നു. 14ാമത് ബജറ്റാണ് മുഖ്യമന്ത്രിയായ ധനകാര്യച്ചുമതല കൂടിയുള്ള സിദ്ധരാമയ്യ അവതരിപ്പിച്ചത്.
