മാവേലിക്കര: ഹോസ്പിറ്റല് രംഗത്ത് ജോലി ചെയ്യുന്ന ജീവനക്കാരുടെ ശമ്പളം അടിയന്തരമായി വര്ദ്ധിപ്പിക്കണമെന്നും, തൊഴില് ചൂഷണം അവസാനിപ്പിക്കണമെന്നും അതിന് സര്ക്കാര് അടിയന്തിരമായി ഇടപെടണമെന്നും ഹോസ്പിറ്റില് എംപ്ലോയീസ് ഫെഡറേഷന് ബിഎംഎസ് സംസ്ഥാന സെക്രട്ടറി സി.ജി. ഗോപകുമാര് ആവശ്യപ്പെട്ടു. ബിഎംഎസ് എംപ്ലോയീസ് സംഘ് ആലപ്പുഴ ജില്ലാ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.ജില്ലാ പ്രസിഡന്റ് കെ. സദാശിവന് പിള്ള അദ്ധ്യക്ഷനായി.
ബിഎംഎസ് ജില്ലാ ജോ: സെക്രട്ടറി റ്റി.സി. സുനില്കുമാര് സംഘടനാ തെരഞ്ഞെടുപ്പു നടത്തി. സമാപനയോഗം ബിഎംഎസ് ജില്ലാ വൈസ് പ്രസിഡന്റ് സി. ഗോപന് ഉദ്ഘാടനം ചെയ്തു. എന്.ദേവദാസ്, ശശികുമാര് കെ. വി, രതീഷ് വി. പിളള, ദീപാകുമാരി.യു, ശുഭ വി. നായര്, ആശ ബാബു എന്നിവര് സംസാരിച്ചു. ഭാരവാഹികളായി കെ. സദാശിവന്പിള്ള(പ്രസിഡന്റ്), എന്. പരമേശ്വരന് നായര്, ദീപാകുമാരി.യു, സുധാ സുരേഷ്(വൈസ് പ്രസിഡന്റ്), എന്.ദേവദാസ് (ജനറല് സെക്രട്ടറി),ബിന്ദു രാജ്, ശുഭ.വി, എസ്. ജയലക്ഷമി (സെക്രട്ടറി), രതീഷ് വി. പിള്ള(ട്രഷറര്) എന്നിവരെ തെരഞ്ഞെടുത്തു.
