ബെംഗളൂരു: സാഫ് ചാമ്പ്യന്ഷിപ്പ് ഫുട്ബോളില് തുടര്ച്ചയായ രണ്ടാം ജയവുമായി ഇന്ത്യ സെമിയിലെത്തി. രണ്ടാം മത്സരത്തില് നേപ്പാളിനെ മറുപടിയില്ലാത്ത രണ്ട് ഗോളുകള്ക്ക് തകര്ത്താണ് ഇന്ത്യയുടെ സെമി പ്രവേശനം. ക്യാപ്റ്റന് സുനില് ഛേത്രിയും മഹേഷ് സിങ്ങുമാണ് ഗോളടിച്ചത്. ആദ്യ മത്സരത്തില് കുവൈത്തിനോട് തോറ്റ നേപ്പാള് തുടര്ച്ചയായ രണ്ടാം തോല്വിയോടെ പുറത്തായി. ആദ്യകളിയില് ഇന്ത്യ പാക്കിസ്ഥാനെ 2-0 തോല്പിച്ചിരരുന്നു
മത്സരത്തിന്റെ 61-ാം മിനുറ്റിലായിരുന്നു ഛേത്രിയുടെ ഗോള്. രാജ്യാന്തര കരിയറില് ഛേത്രിയുടെ 91-ാം ഗോളാണിത്. മഹേഷ് സിംഗാണ് ഇന്ത്യയുടെ രണ്ടാം ഗോള് നേടിയത്. ഛേത്രിയുടെ ഗോളിന് വഴിയൊരുക്കിയതും മഹേഷായിരുന്നു.
ആദ്യപകുതി 0-0ന് പിരിഞ്ഞപ്പോള് രണ്ടാംപകുതിയിലെ 61-ാം മിനുറ്റില് മഹേഷ് സിംഗിന്റെ അസിസ്റ്റിലൂടെ ഛേത്രി ഇന്ത്യക്ക് ലീഡ് സമ്മാനിച്ചു. 70-ാം മിനുറ്റില് മഹേഷ് സിംഗ് ഇന്ത്യക്ക് 2-0ന്റെ ലീഡ് നല്കി. ഇന്ത്യന് കുപ്പായത്തില് മഹേഷിന്റെ കന്നി ഗോള്.
27ാം തിയതി കുവൈറ്റിന് എതിരെയാണ് ഗ്രൂപ്പ് ഘട്ടത്തില് ഇന്ത്യയുടെ അവസാന മത്സരം. ഇന്ത്യക്കൊപ്പം കുവൈറ്റും സെമിയില് പ്രവേശിച്ചിട്ടുണ്ട്.
