തിരുവനന്തപുരം: സംസ്ഥാനത്ത് പകര്ച്ചപനി പടര്ന്നു പിടിക്കുകയാണെന്നും ഇന്ന് പനി ബാധിച്ച് ആറുപേര് മരിച്ചത് ഗൗരവതരമാണെന്നും ബിജെപി സംസ്ഥാന അദ്ധ്യക്ഷന് കെ.സുരേന്ദ്രന്. പകര്ച്ച പനി പ്രതിരോധിക്കുന്നതില് സംസ്ഥാന സര്ക്കാര് പൂര്ണമായും പരാജയപ്പെട്ടെന്നും അദ്ദേഹം പ്രസ്താവനയില് പറഞ്ഞു.
മുഖ്യമന്ത്രി പ്രസ്താവനയിറക്കിയത് കൊണ്ടോ ആരോഗ്യമന്ത്രി അവലോകന യോഗം വിളിച്ചത് കൊണ്ടോ പനി നിയന്ത്രണവിധേയമാവുകയില്ല. മഴക്കാലം വരുന്നതിന് മുമ്പ് ചെയ്യേണ്ട പ്രതിരോധ പ്രവര്ത്തനങ്ങള് കാര്യക്ഷമമായി നടപ്പാക്കാത്തതാണ് പകര്ച്ച പനി നിയന്ത്രണവിധേയമാവാതിരിക്കാന് കാരണം.
സംസ്ഥാനത്ത് ഡെങ്കി പനി പടര്ന്നു പിടിക്കുകയാണ്. എന്നിട്ടും ഇപ്പോഴും കൊതുക് നശീകരണത്തിനുള്ള കാര്യങ്ങള് അധികൃതരുടെ ഭാഗത്ത് നിന്നും ഉണ്ടാവുന്നില്ല. സര്ക്കാര് ആശുപത്രികളില് പനി ബാധിതരെ കിടത്തി ചികിത്സിക്കാനുള്ള സംവിധാനം അടിയന്തരമായി ഒരുക്കാന് ആരോഗ്യവകുപ്പ് തയ്യാറാവണം.
ആവശ്യമായ മരുന്നുകളുടെ ലഭ്യതയില്ലാത്തത് രോഗികളെ വല്യ്ക്കുകയാണ്. പൊതു ഇടങ്ങളില് വെള്ളംകെട്ടി കിടക്കുന്നത് ഇപ്പോള് പതിവ് കാഴ്ചയായിരിക്കുകയാണ്. ഇതിനെതിരെ സര്ക്കാര് ഉണര്ന്നു പ്രവര്ത്തിക്കേണ്ട സമയം അതിക്രമിച്ചിരിക്കുകയാണെന്നും കെ.സുരേന്ദ്രന് പറഞ്ഞു
