ചെന്നൈ: ഇന്ത്യാ ടുഡേ സംഘടിപ്പിച്ച കോണ്‍ക്ലേവില്‍ സൗത്ത് ഇന്ത്യയിലെ രാഷ്ട്രീയം എങ്ങിനെ വ്യത്യസ്തമാകുന്നു എന്ന ചോദ്യം ചോദിച്ച ടിവി ജേണലിസ്റ്റ് രാജ്ദീപ് സര്‍ദേശായിക്ക് വിവിധ ഉത്തരങ്ങളാണ് വേദിയിലെ നേതാക്കള്‍ നല്‍കിയത്.
കോണ്‍ഗ്രസ് എംപിയായ മാണിക്കം ടാഗോര്‍ പറഞ്ഞത് സൗത്തില്‍ വെറുപ്പിന്റെ രാഷ്ട്രീയം ഇല്ലെന്നാണ്. അത് സൗത്തില്‍ അനുവദിക്കില്ലെന്നും അദ്ദേഹം കൂട്ടിച്ചേര്‍ത്തു. തെലുങ്കാനയിലെ ടിആര്‍എസ് എംപിയായ കെ.ആര്‍. സുരേഷ് റെഡ്ഡി പറഞ്ഞത് സൗത്ത് രാഷ്ട്രീയം അതിന്റെ രുചി എല്ലായിടത്തും പരത്തുന്നു. ഉദാഹരണത്തിന് തമിഴ്നാടിന്റെ പ്രാതല്‍ ഭക്ഷണത്തിന്റെ രുചി എല്ലായിടത്തും പരന്നു.
സൗത്ത് എന്നാല്‍ ശരിക്കും ദേശീയമാണെന്നും ഇവിടെ വെറുപ്പും വിദ്വേഷവും അനുവദിക്കില്ലെന്നുമായിരുന്നു ജോണ്‍ ബ്രിട്ടാസിന്റെ മറുപടി.
ഒടുവില്‍ ഉത്തരം പറഞ്ഞ അണ്ണാമലൈ മൂന്ന് വാക്കുകളിലാണ് തമിഴ്നാട് രാഷ്‌ട്രീയത്തെ വരച്ചുകാട്ടിയത്. അധികാരത്തിലെ കുടുംബവാഴ്ച, കുടുംബം, സമ്പൂര്‍ണ്ണ അഴിമതി- ഇതാണ് തമിഴ്നാട് രാഷ്ട്രീയം എന്ന് പറഞ്ഞ് ഡിഎംകെയെ വിമര്‍ശിക്കുകായിരുന്നു അണ്ണാമലൈ. ഈ വീഡിയോ ഇപ്പോള്‍ വൈറലാണ്.
പ്രതികരിക്കാൻ ഇവിടെ എഴുതുക: