ന്യൂദല്ഹി: ജി20 പ്രസിഡന്സിയുടെ ഭാഗമായുള്ള ഇന്ത്യയുടെ സംരംഭങ്ങള്ക്ക് എല്ലാ പിന്തുണയും ഉണ്ടാകുമെന്ന് ദക്ഷിണാഫ്രിക്കന് പ്രസിഡന്റ് മാതമേല സിറില് റമഫോസ പറഞ്ഞു. പ്രധാനമന്ത്രി നരേന്ദ്ര മോദി നടത്തിയ ടെലിഫോണ് സംഭാഷണത്തിലാണ് ദക്ഷിണാഫ്രിക്കന് പ്രസിഡന്റ് ഇക്കാര്യം വ്യക്തമാക്കിയത്.
ചരിത്രപരവും ശക്തവുമായ ജനങ്ങള് തമ്മിലുള്ള ബന്ധത്തില് നങ്കൂരമിട്ടിരിക്കുന്ന ഉഭയകക്ഷി സഹകരണത്തിലെ പുരോഗതി ഇരു നേതാക്കളും അവലോകനം ചെയ്തു. ഈ വര്ഷം ആദ്യം 12 ചീറ്റകളെ ഇന്ത്യയിലേക്ക് മാറ്റിപ്പാര്പ്പിച്ചതിന് പ്രധാനമന്ത്രി ദക്ഷിണാഫ്രിക്കന് പ്രസിഡന്റിന് നന്ദി പറഞ്ഞു.
ഈ വര്ഷം ദക്ഷിണാഫ്രിക്കയുടെ അധ്യക്ഷപദവിയുടെ പശ്ചാത്തലത്തില് ബ്രിക്സിലെ സഹകരണം ഉള്പ്പെടെ പരസ്പര താല്പ്പര്യമുള്ള മേഖലാ, ആഗോള തലങ്ങളിലെ നിരവധി വിഷയങ്ങളെക്കുറിച്ചും അവര് കാഴ്ചപ്പാടുകള് കൈമാറി. ആഫ്രിക്കന് നേതാക്കളുടെ സമാധാന സംരംഭത്തെക്കുറിച്ച് പ്രസിഡന്റ് റമാഫോസ പ്രധാനമന്ത്രിയെ അറിയിച്ചു.
ഉക്രെയിനില് സുസ്ഥിരമായ സമാധാനവും സുസ്ഥിരതയും ഉറപ്പാക്കാന് ലക്ഷ്യമിട്ടുള്ള എല്ലാ സംരംഭങ്ങള്ക്കും ഇന്ത്യയുടെ പിന്തുണയുണ്ടെന്ന് സൂചിപ്പിച്ച പ്രധാനമന്ത്രി, മുന്നോട്ടുള്ള വഴിയായി സംഭാഷണത്തിനും നയതന്ത്രത്തിനുമുള്ള ഇന്ത്യയുടെ നിരന്തരമായ ആഹ്വാനം ആവര്ത്തിച്ചു. നിലവിലെ ജി 20 പ്രസിഡന്സിയുടെ ഭാഗമായുള്ള ഇന്ത്യയുടെ സംരംഭങ്ങള്ക്ക് പ്രസിഡന്റ് റമാഫോസ തന്റെ പൂര്ണ്ണ പിന്തുണയും അറിയിച്ചു. ഇന്ത്യാ സന്ദര്ശനത്തിനായി താന് കാത്തിരിക്കുകയാണെന്നും അദ്ദേഹം പറഞ്ഞു.
