കൊച്ചി : കേരള ബ്ലാസ്റ്റേഴ്സ് മോഹന് ബെഗാന്റെ പ്രിതം കോട്ടാലിനെ ടീമിലെത്തിക്കാന് ശ്രമിക്കുന്നു. ചര്ച്ചയില് ധാരണയിലെത്തിയതായാണ് വാര്ത്ത. കേരള ബ്ലാസ്റ്റേഴ്സ് പ്രിതം കോട്ടാലിനു പകരം ഹോര്മിപാമിനെ മോഹന് ബഗാന് നല്കാന് നേരത്തെ തീരുമാനിച്ചിരുന്നു. ഹോര്മിയെയും ഒപ്പം ട്രാന്സ്ഫര് തുകയും ബ്ലാസ്റ്റേഴ്സ് മോഹന് ബഗാന് കൈമാറും.
ഹോര്മിപാമിനൊപ്പം ട്രാന്സ്ഫര് തുക കൂടെ പ്രിതം കോട്ടാലിനു വേണ്ടി നല്കാന് കേരള ബ്ലാസ്റ്റേഴ്സ് തയ്യാറാകുന്നത് വിമര്ശനങ്ങള്ക്കിടയാക്കിയിട്ടുണ്ട്. മോഹന് ബഗാന് വൈകാതെ ബ്ലാസ്റ്റേഴ്സിന്റെ ഓഫര് അംഗീകരിക്കും എന്നാണ് സൂചനകളുളളത്.
ദല്ഹി ഡൈനാമോസില് നിന്നാണ് 2018ല് പ്രിതം കോട്ടാല് ബഗാനിലേക്ക് എത്തിയത്. ഇന്ത്യന് ഫുട്ബോള് ടീമിലെ സ്ഥിരം സാന്നിദ്ധ്യമായ പ്രിതം മുമ്പ് ഈസ്റ്റ് ബംഗാളിലും കളിച്ചിട്ടുണ്ട്. 2021ലാണ് ഹോര്മിപാം കേരള ബ്ലാസ്റ്റേഴ്സില് എത്തിയത്.
