തിരുവനന്തപുരം: മാവേലിക്കര പുന്നമൂട്ടില്‍ നടന്ന നിര്‍ദയവും നിഷ്ഠൂരവുമായ ബാലികയുടെ കൊലപാതകം കേരളത്തില്‍ കുട്ടികളോടു കാണിക്കുന്ന ഭീകര പെരുമാറ്റത്തിന്റെ അതിരുകടന്ന പൈശാചികതയാണെന്ന് ബാലാവകാശ സംഘടനയായ സൗരക്ഷിക. മഹേഷ് എന്ന പിതാവ് കാണിച്ച ക്രൂരത കേരള സമൂഹത്തില്‍ ബാലനീതി നിയമത്തെ വെല്ലുവിളിക്കുന്നതാണ്.നിയമം മൂലം കുട്ടികള്‍ സുരക്ഷിതരാണെങ്കിലും കുട്ടികള്‍ക്ക് കരയാന്‍ മാത്രമേ കഴിയുന്നുള്ളു.പുഞ്ചിരിക്കേണ്ട ബാലൃത്തിന് നേരേ നിരന്തരം ക്രൂരമായ അക്രമം പെരുകി കൊണ്ടിരിക്കുന്നു.
ബാലനീതി നിയമത്തിന്റെ അടിസ്ഥാനത്തില്‍ ജാമൃമില്ലാത്തവിചാരണയും കടുത്ത ശിക്ഷയുംനടപ്പാക്കാന്‍ ബാലാവകാശകമ്മീഷനുംജുവനൈല്‍ ജസ്റ്റിസ് ബോര്‍ഡും ഇടപെടണമെന്ന് സൗരക്ഷിക സംസ്ഥാന പ്രസിഡന്റ് അഡ്വ.ശശിശങ്കര്‍,സംഘടനാ സെക്രട്ടറി വീ.ജെ.രാജമോഹന്‍, സെക്രട്ടറി സേതുഗോവിന്ദ് എന്നിവര്‍ ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: