കോഴിക്കോട്: ഹോട്ടലുടമ സിദ്ധിഖിന്റെ ക്രൂരമായ കൊലപാതകം നടന്ന ഹോട്ടല്‍ ഡി കാസ ഇന്‍ പ്രവര്‍ത്തിക്കുന്നത് ലൈസന്‍സില്ലാതെയെന്ന് കണ്ടെത്തി. കോര്‍പ്പറേഷന്‍ ലൈസന്‍സോ മലിനീകരണ നിയന്ത്രണ ബോര്‍ഡില്‍ നിന്നുള്ള അനുമതിയോ ഇല്ലാതെയായിരുന്നു പ്രവര്‍ത്തനം. കൊലപാതകത്തിന്റെ പശ്ചാത്തലത്തില്‍ പ്രവര്‍ത്തനം നിര്‍ത്തിവയ്‌ക്കാന്‍ നോട്ടീസ് നല്‍കിയെന്ന് കോര്‍പ്പറേഷന്‍ അറിയിച്ചു.
അതേസമയം കൊലപാതകവുമായി ബന്ധപ്പെട്ട തെളിവെടുപ്പുകള്‍ പുരോഗമിക്കുകയാണ്. കഴിഞ്ഞ ദിവസം പ്രതികള്‍ സിദ്ധിഖിന്റെ കാര്‍ ഉപേക്ഷിച്ച സ്ഥലത്തു നിന്നും എടിഎം കാര്‍ഡും ചെക്കുബുക്കും അടക്കമുള്ള സാധനങ്ങള്‍ കണ്ടെത്തിയിരുന്നു. 18 വയസുകാരി ഫര്‍ഹാനയെ മുന്‍നിര്‍ത്തി ഹണിട്രാപ്പിലൂടെ സിദ്ധിഖിനെ വലയിലാക്കുകയായിരുന്നു. തുടര്‍ന്ന് ഹോട്ടലിലെത്തിച്ച് ആക്രമിച്ച് കൊലപ്പെടുത്തുകയും പിന്നീട് മുറിച്ച് കഷ്ണങ്ങളാക്കി 2 ട്രോളി ബാഗുകളിലാക്കി അട്ടപ്പാടി ചുരത്തില്‍ ഉപേക്ഷിക്കുകയുമായിരുന്നു. സംഭവത്തില്‍ അറസ്റ്റിലായ മൂന്നു പേര്‍ക്കു മാത്രമേ കൊലപാതകത്തില്‍ പങ്കുള്ളൂ എന്ന് പോലീസ് സ്ഥിരീകരിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: