തിരുവനന്തപുരം : യുഡിഎഫിന്റെ പ്രതിഷേധത്തിനിടെ സമരക്കാരും ജിവനക്കാരും പോലീസും തമ്മില് സെക്രട്ടറിയേറ്റിന് മുന്നില് സംഘര്ഷം. സെക്രട്ടറിയേറ്റ് വളയലിനിടെയാണ് പ്രതിഷേധം അരങ്ങേറിയത്. സമരം നടക്കുന്ന നോര്ത്ത് ഗേറ്റിലൂടെ ജീവനക്കാരെ കടത്തിവിട്ടതുമായി ബന്ധപ്പെട്ട് ഇരുവിഭാഗവും തമ്മിലുണ്ടായ വാക്ക് തര്ക്കമാണ് സംഘര്ഷത്തിലേക്ക് എത്തിയത്.
പോലീസ് സമരം പൊളിക്കാനുള്ള ശ്രമമാണെന്നാണ് പ്രതിഷേധക്കാരുടെ ആരോപണം. പോലീസും പ്രതിഷേധക്കാരും തമ്മില് ഉന്തും തള്ളുമുണ്ടായി. ജീവനക്കാരെ ജോലിയില് പ്രവേശിക്കാന് അനുവദിക്കാതെ തടഞ്ഞതും അവര് എതിര്ത്തു. ഇതും വാക്ക് തര്ക്കത്തിനിടയാക്കി.
സംസ്ഥാന സര്ക്കാരിന്റെ രണ്ടാം വാര്ഷിക ദിനം സെക്രട്ടേറിയറ്റ് വളഞ്ഞ് പ്രതിഷേധ ദിനമായി ആചരിക്കാനുള്ള യുഡിഎഫ് നീക്കമാണ് തര്ക്കത്തിലേക്ക് എത്തിയത്. പ്രതിഷേധങ്ങളെ തുടര്ന്ന് തിരുവനന്തപുരത്ത് ഗതാഗത നിയന്ത്രണം ഏര്പ്പെടുത്തിയിരിക്കുകയാണ്.
