തിരുവനന്തപുരം: എസ്എസ്എല്സി പരീക്ഷഫലം നാളെ പ്രഖ്യാപിക്കും. നേരത്തേ, 20ന് പ്രഖ്യാപിക്കുമെന്നാണ് വിദ്യാഭ്യാസമന്ത്രി അറിയിച്ചിരുന്നത്. എന്നാല്, ജോലികള് എല്ലാം പൂര്ത്തിയായ സാഹചര്യത്തില് നാളെ മൂന്നു മണിക്കാണ് വിദ്യാഭ്യാസമന്ത്രിയുടെ വാര്ത്തസമ്മേളനം. 25നാണ് ഹയര് സെക്കന്ഡറി ഫലപ്രഖ്യാപനം.
നേരത്തേ, എസ്എസ്എല്സി, ഹയര് സെക്കന്ഡറി ഉത്തരക്കടലാസ് മൂല്യനിര്ണയത്തിനു ഹാജരാകാത്ത 3006 അധ്യാപകര്ക്കു നോട്ടിസ് നല്കുമെന്നു മന്ത്രി വി.ശിവന്കുട്ടി അറിയിച്ചിരുന്നു. ഒരു രേഖയും നല്കാതെ വിട്ടുനിന്ന 3006 പേര്ക്കാണു നോട്ടീസ്.
