കൊല്ലം: യുവ വനിതാ ഡോക്ടര് വന്ദന ദാസ് ഡ്യൂട്ടിക്കിടെ കൊല്ലപ്പെട്ട സംഭവം ഞെട്ടിക്കുന്നതും അത്യധികം വേദനാജനകവുമാണെന്ന് മുഖ്യമന്ത്രി പിണറായി വിജയന്. സംഭവത്തെ കുറിച്ച് സമഗ്രമായ അന്വേഷണം നടത്തും. ഡോക്ടര്മാര്ക്കും ആരോഗ്യപ്രവര്ത്തകര്ക്കുമെതിരെ ഉണ്ടാകുന്ന ആക്രമണങ്ങളില് സര്ക്കാര് ശക്തമായ നടപടി സ്വീകരിക്കുമെന്നും മുഖ്യമന്ത്രി അറിയിച്ചു.
ചികിത്സക്കായി എത്തിച്ച വ്യക്തിയാണ് ഡോക്ടറെ ആക്രമിച്ചത്. അക്രമം തടയാന് ശ്രമിച്ച പൊലീസ് ഉദ്യോഗസ്ഥര്ക്കും മറ്റുള്ളവര്ക്കും കുത്തേറ്റിട്ടുണ്ട്. ഡ്യൂട്ടിക്കിടയില് ആരോഗ്യപ്രവര്ത്തകര് ആക്രമിക്കപ്പെടുന്നത് അംഗീകരിക്കാനാവില്ലെന്നും മുഖ്യമന്ത്രി പറഞ്ഞു. കൊല്ലപ്പെട്ട ഡോക്ടര് വന്ദനാ ദാസിന്റെ കുടുംബത്തിന്റെയും സഹപ്രവര്ത്തകരുടെയും ദുഃഖത്തില് പങ്കുചേര്ന്നുകൊണ്ട് മുഖ്യമന്ത്രി അനുശോചനം അറിയിച്ചു.
മുഖ്യമന്ത്രി തിരുവനന്തപുരം കിംസ് ആശുപത്രിയില് എത്തിയിരിക്കുകയാണ്. ഗുരുതരമായി പരുക്കേറ്റ വന്ദനയെ പ്രവേശിപ്പിച്ച കിംസ് ആശുപത്രിയിൽ ഗവര്ണര് ആരിഫ് മുഹമ്മദ് ഖാനും മുഖ്യമന്ത്രിയും എത്തിയിരുന്നു. നെടുമ്പന യുപി സ്കൂള് അധ്യാപകനാണ് സന്ദീപ്. നിലവില് സന്ദീപ് സസ്പെന്ഷനിലാണ്. ഇദ്ദേഹം ലഹരിക്കടിമയാണെന്ന് പോലീസ് പറഞ്ഞു.
