മലപ്പുറം: കരിപ്പൂര്‍ വിമാനതാവളത്തില്‍ നിന്ന് ഒന്നര കോടിയോളം രൂപയുടെ സ്വര്‍ണം പിടികൂടി. രണ്ടു വ്യത്യസ്ത കേസുകളിലായാണ് കസ്റ്റംസ് ഇത്രയും സ്വര്‍ണം പിടിച്ചെടുത്തത്.
സ്വര്‍ണം ക്യാപ്‌സൂള്‍ രൂപത്തിലൊളിപ്പിച്ചാണ് സംഘം കടത്താന്‍ ശ്രമിച്ചത്. കാന്തപുരം സ്വദേശിയായ മുഹമ്മദ് അഫ്‌നാസ് പട്ടര്‍കുളം സ്വദേശിയായ യാസിം എന്നിവരാണ് സ്വര്‍ണ്ണം ക്യാപ്‌സൂള്‍ രൂപത്തില്‍ ശരീരത്തില്‍ ഒളിപ്പിച്ചു കടത്തിയത്. കഴിഞ്ഞ ദിവസങ്ങളില്‍ നിരവധി സ്വര്‍ണ്ണക്കടത്തു കേസുകള്‍ കസ്റ്റംസിന്റെയും എയര്‍പ്പോര്‍ട്ട് അധികൃതരുടെയും സംയുക്ത പരിശ്രമത്തിലൂടെ പിടികൂടിയിരുന്നു.
