ഇടുക്കി: കോടതി പരിസരത്ത് യുവതിയെ കഴുത്തറത്ത് കൊലപ്പെടുത്താന് ശ്രമിച്ച സംഭവത്തില് ഭര്ത്താവ് പോലീസ് പിടിയില്. ഇടുക്കി പീരുമേട് കോടതി പരിസരത്താണ് നാടകീയ സംഭവങ്ങള് അരങ്ങേറിയത്. അണക്കര സ്വദേശിനി അമ്പിളിയാണ് ആക്രമണത്തിന് ഇരയായത്. ഇവരുടെ ഭര്ത്താവ് ബിജുവിനെ പോലീസ് കസ്റ്റഡിയിലെടുത്തു.
അവിഹിതബന്ധം സംബന്ധിച്ച സംശയമാണ് അക്രമത്തിലേക്ക് നയിച്ചതെന്നാണ് പോലീസ് പറയുന്നത്. യുവതിയെ ആശുപത്രിയില് പ്രവേശിപ്പിച്ചു. മുൻപ് ഇരുവരും ഒരുമിച്ച് താമസിക്കുന്ന സമയത്ത് ഇവരുടെ വീട് ആക്രമിച്ചതുമായി ബന്ധപ്പെട്ട് ഒരു കേസുണ്ട്. കേസിലെ സാക്ഷികളാണ് ഇരുവരും. കേസുമായി ബന്ധപ്പെട്ട് കോടതി പരിസരത്തുള്ള അസി. പബ്ലിക് പ്രോസിക്യൂട്ടറുടെ ഓഫീസിലേക്ക് എത്തിയതാണ് രണ്ടുപേരും.
കേസുമായി ബന്ധപ്പെട്ട ചർച്ചയ്ക്ക് ശേഷം പുറത്തിറങ്ങിയ സമയത്താണ് യുവതിയെ ബിജു ആക്രമിച്ചത്.
