ലണ്ടന്: ഇംഗ്ലീഷ് പ്രീമിയര് ലീഗില് മൂന്നാം സ്ഥാനത്തേക്കുയരാനുള്ള അവസരം ടോട്ടനത്തിന് നഷ്ടം. കഴിഞ്ഞ കളിയില് എവര്ട്ടണിനോട് സമനിലയില് കുരുങ്ങി (1-1). 29 കളിയില് 50 പോയിന്റുള്ള ടോട്ടനം നാലാമത്. 27 കളിയില് ഇതേ പോയിന്റുള്ള ന്യൂകാസില് യുണൈറ്റഡാണ് മൂന്നാമത്.
എവേ മത്സരത്തില് ഗോള്രഹിതമായ ആദ്യ പകുതിക്കു ശേഷം 68-ാം മിനിറ്റില് ടോട്ടനം മുന്നിലെത്തി. ബോക്സില് റൊമേറൊയെ എവര്ട്ടണിന്റെ മൈക്കിള് കീന് വീഴ്ത്തിയതിനാണ് റഫറി പെനല്റ്റി വിധിച്ചത്. കിക്കെടുത്ത ഹാരി കെയ്ന് ടോട്ടനത്തിന് ലീഡ് സമ്മാനിച്ചു. എന്നാല്, പെനല്റ്റി വഴങ്ങിയതിന് ഗോളിലൂടെ കീന് പ്രായശ്ചിത്തം ചെയ്തു. 90-ാം മിനിറ്റിലാണ് കീന് എവര്ട്ടണിന് സമനില സമ്മാനിച്ചത്. എവര്ട്ടണിന്റെ ഡൗക്യുറെയും ടോട്ടനത്തിന്റെ ലൂക്കാസ് മൗറയും ചുവപ്പു കാര്ഡ് കണ്ട് പുറത്തായി.
