കൊച്ചി : നടനും മുന് എംപിയുമായ ഇന്നസെന്റ് അതീവ ഗുരുതരാവസ്ഥയില്. അദ്ദേഹം ചികിത്സയില് കഴിയുന്ന ലേക്ഷോര് ആശുപത്രി ഞായറാഴ്ച രാവിലെ പുറത്തിറക്കിയ മെഡിക്കല് ബുള്ളറ്റിനിലാണ് ഇക്കാര്യം വ്യക്തമാക്കുന്നത്.
ഇന്നസെന്റ് ഇപ്പോഴും അതീവ ഗുരുതരാവസ്ഥയില് തുടരുകയാണ്. അടിസ്ഥാന ആരോഗ്യ സൂചകങ്ങളൊന്നും അനുകൂല നിലയിലല്ല. എക്മോ സപ്പോര്ട്ടില് മെഡിക്കല് സംഘത്തിന്റെ സൂക്ഷ്മ നിരീക്ഷണത്തിലാണ് തുടരുന്നതെന്നും ആശുപത്രി അധികൃതര് പുറത്തിറക്കിയ മെഡിക്കല് ബുള്ളറ്റിനില് പറയുന്നുണ്ട്.
ഡോ.വി.പി.ഗംഗാധരന്റെ നേതൃത്വത്തിലുള്ള അഞ്ചംഗ സംഘമാണ് ഇന്നസന്റിനെ ചികിത്സിക്കുന്നത്. ശാരീരികാസ്വാസ്ഥ്യങ്ങളെ തുടര്ന്ന് ഇന്നസെന്റ് കഴിഞ്ഞ ഒരാഴ്ചയായി ലേക്ഷോര് ആശുപത്രിയില് ചികിത്സയിലാണ്. തുടര്ന്ന് നടത്തിയ പരിശോധനയില് ശ്വാസകോശത്തില് അണുബാധയെ തുടര്ന്ന് ഇന്നസെന്റിനെ തീവ്രപരിചരണ വിഭാഗത്തിലേക്ക് മാറ്റുകയായിരുന്നു. മന്ത്രി പി.രാജീവ്, സത്യന് അന്തിക്കാട്, ബി.ഉണ്ണിക്കൃഷ്ണന്, ആന്റോ ജോസഫ്, വി.എം.സുധീരന് എന്നിവര് കഴിഞ്ഞ ദിവസം ആശുപത്രിയിലെത്തിയിരുന്നു.
