കോഴിക്കോട്: കോഴിക്കോട്ട് സിനിമയിൽ അവസരം വാഗ്ദാനം ചെയ്ത് യുവതിയെ പീഡിപ്പിച്ചതായി പരാതി. പ്രതികളെന്ന് സംശയിക്കുന്ന രണ്ട് പേരെ പൊലീസ് കസ്റ്റഡിയിലെടുത്തു. പരാതിയില് പോലീസ് അന്വേഷണം തുടരുകയാണ്.
നഗരത്തിലെ ഫ്ലാറ്റിലെത്തിച്ച് ലഹരി കലർത്തിയ ജ്യൂസ് നൽകി പീഡിപ്പിച്ചെന്നാണ് പെൺകുട്ടിയുടെ പരാതി. സീരിയൽ നടിയുടെ സഹായത്തോടെയാണ് നഗരത്തിലെ ഫ്ലാറ്റിലെത്തിച്ചതെന്നും പെൺകുട്ടി പരാതിയിൽ പറയുന്നു. കസ്റ്റഡിയിലായ മലപ്പുറം സ്വദേശികളെ പോലീസ് ചോദ്യം ചെയ്യുകയാണ്. ഇവരെ നടക്കാവ് പോലീസ് അ റസ്റ്റ് ചെയ്തിട്ടില്ല. തങ്ങളെ കെണിയിൽപ്പെടുത്തിയതാണെന്നാണ് ഇവരുടെ വിശദീകരണം.
മാർച്ച് നാലിന് കോട്ടയം സ്വദേശിനിയായ യുവതിയെ കാരപ റമ്പിലെ ഒരു ഫ്ലാറ്റിലെത്തിച്ച് പീഡിപ്പിച്ചുവെന്നായിരുന്നു പെൺകുട്ടി പോലീസിന് നൽകിയ മൊഴി. ഫ്ലാറ്റിൽ എത്തുന്നതുവരെ നടി കൂടെയുണ്ടായിരുന്നു. പിന്നീട് അവിടെ നിന്നും കാണാതായി. സിനിമാക്കാർ എന്ന് പരിചയപ്പെടുത്തിയ രണ്ട് പേരാണ് പീഡിപ്പിച്ചതെന്നും മൊഴി നൽകിയിട്ടുണ്ട്. ഈ കേസിൽ ദുരൂഹതയുണ്ടെന്നും സാമ്പത്തിക ഇടപാടുകൾ ഉണ്ടെന്നും പോലീസ് സംശയിക്കുന്നു.
