കോഴിക്കോട് : റബ്ബര് വില 300 ആക്കിയാല് ബിജെപിയെ തെരഞ്ഞെടുപ്പില് പിന്തുണയ്ക്കുന്നതിനെക്കുറിച്ച് ആലോചിക്കാമെന്ന പ്രസ്താവന നടത്തിയ തലശ്ശേരി അതിരൂപതാ ആര്ച്ച്ബിഷപ്പ് മാര് ജോസഫ് പാംപ്ലാനിയെ പിന്തുണച്ച് കെസിബിസി വക്താവ്.
തലശ്ശേരി ബിഷപ്പിനെ ഈ വിഷയത്തില് താന് പിന്തുണയ്ക്കുന്നുവെന്ന് കെസിബിസി വക്താവ് ഫാദര് ജേക്കബ്ബ് ജി പാലക്കാപ്പിള്ളി പറഞ്ഞു. കേരളത്തിലെ റബ്ബര് കര്ഷകര് നേരിടുന്ന പ്രശ്നങ്ങള് ചൂണ്ടിക്കാണിക്കാനാണ് ആര്ച്ച് ബിഷപ്പ് ശ്രമിച്ചതെന്നും ഫാ. ജേക്കബ് ജി. പാലക്കാപ്പിള്ളി പറഞ്ഞു.
കേരളത്തിലെ റബ്ബര് കര്ഷകര് നേരിടുന്ന പ്രശ്നങ്ങളോട് കേരള കോണ്ഗ്രസും ഇടത് വലത് മുന്നണികളും ഒരു പോലെ മുഖം തിരിച്ചു നില്ക്കുകയാണ്. ഈസ്റ്ററിന് ശേഷം റബ്ബര് വില ഉയര്ത്താന് പല സമരങ്ങളും ആലോചിക്കുമെന്നും അദ്ദേഹം പറഞ്ഞു.
