കൊച്ചി: ക്രൈം നന്ദകുമാറിനെതിരെ ആരോപണങ്ങളുമായി കൊച്ചിയില്‍ യുവതി ആത്മഹത്യക്ക് ശ്രമിച്ചു. തൃശൂര്‍ സ്വദേശിയായ രജനിയെന്ന യുവതിയാണ് ദേഹത്ത് പെട്രോള്‍ ഒഴിച്ച് തീകൊളുത്താന്‍ ശ്രമിച്ചത്.
കലൂര്‍ ദേശാഭിമാനി ജങ്ഷനില്‍ ഇന്ന് രാവിലെയാണ് സംഭവം നടന്നത്. ക്രൈം നന്ദകുമാര്‍ ജീവിക്കാന്‍ അനുവദിക്കുന്നില്ല. നിരന്തരം ഉപദ്രവിക്കുകയാണെന്നും ഇവര്‍ ആരോപിച്ചു.
പെട്രോള്‍ ഒഴിച്ച് ആത്മഹത്യയ്ക്ക് ശ്രമിച്ച ഇവരെ നാട്ടുകാരും പോലീസും ചേര്‍ന്ന് തടഞ്ഞു. അതിനിടെ യുവതി കയ്യില്‍ കരുതിയിരുന്ന പൊടി എന്തോ വായിലേക്കിട്ട് വിഴുങ്ങുകയും ചെയ്തു. യുവതിയെ പിന്നീട് ആശുപത്രിയില്‍ പ്രവേശിപ്പിച്ചു.
