ആലുവ: പ്രധാനമന്ത്രി നരേന്ദ്രമോദിക്കുള്ള വടക്ക് കിഴക്കന് സംസ്ഥാനങ്ങളിലെ ജനങ്ങളുടെ പിന്തുണയുടെ തെളിവാണ് ത്രിപുര, നാഗാലാന്ഡ്, മേഘാലയ സംസ്ഥാനങ്ങളിലെ എന്ഡിഎയുടെ ഉജ്ജ്വല വിജയമെന്ന് ബിജെപി സംസ്ഥാന അദ്ധ്യക്ഷന് കെ.സുരേന്ദ്രന്. കോണ്ഗ്രസിനും സിപിഎമ്മിനുമുള്ള കനത്ത തരിച്ചടിയാണ് ത്രിപുര തിരഞ്ഞെടുപ്പ് ഫലം. ഇതുവരെ പരസ്പരം പോരടിച്ചിരുന്ന അധികാരത്തിന് വേണ്ടി മാത്രം സ്ഥാപിച്ച അവിശുദ്ധ സഖ്യത്തെ ത്രിപുരയിലെ ജനങ്ങള് തൂത്തെറിഞ്ഞു.
കോമാ സഖ്യത്തെ ജനങ്ങള് കോമയിലാക്കിയെന്നും ആലുവയില് മാദ്ധ്യമപ്രവര്ത്തകരോട് സംസാരിക്കവെ അദ്ദേഹം പരിഹസിച്ചു. മധുവിധു ആഘോഷിക്കും മുമ്പേ തകര്ന്ന ദാമ്പത്യം പോലെയായി കോണ്ഗ്രസ് സിപിഎം സഖ്യം. കെഎന് ബാലഗോപാലിനെ പോലുള്ള നേതാക്കള് പ്രചരണത്തിന് പോയ സംസ്ഥാനങ്ങളില് സഖ്യ സ്ഥാനാര്ത്ഥികള് തകര്ന്നടിഞ്ഞു. ത്രിപുരയിലേത് പോലെ കോണ്ഗ്രസും സിപിഎമ്മും കേരളത്തിലും ഒന്നിക്കണം. എംവി ഗോവിന്ദന് പറയുന്നത് തോറ്റെങ്കിലും സഖ്യം ശരിയായിരുന്നെന്നാണ്. അങ്ങനെയെങ്കില് കേരളത്തിലും സഖ്യം ഉടന് വരുമെന്നുറപ്പാണ്. അതുതന്നെയാണ് ബിജെപിക്കും വേണ്ടത്. കേരളത്തില് മാത്രം എന്തിനാണ് സിപിഎമ്മും കോണ്ഗ്രസും ഒളിച്ചു കളിക്കുന്നതെന്നും കെ.സുരേന്ദ്രന് ചോദിച്ചു.
രാഹുല് ഗാന്ധി 4,000 കിലോമീറ്റര് നടന്ന് ജോഡോ യാത്ര നടത്തിയത് വെറുതെയായി. കോണ്ഗ്രസ് രാജ്യത്ത് തകര്ന്നടിയുകയാണ്. മതന്യൂനപക്ഷങ്ങളും ബിജെപിക്കൊപ്പം നില്ക്കുന്നതിന്റെ തെളിവാണ് ഈ തിരഞ്ഞെടുപ്പ് ഫലങ്ങള്. െ്രെകസ്തവ സമൂഹം മോദിക്കും ബിജെപിക്കും പിന്നില് അണിനിരക്കുന്നതിന്റെ സൂചനയാണിത്. നരേന്ദ്രമോദി സര്ക്കാര് എല്ലാ മേഖലകളിലും പാവങ്ങളെ സഹായിക്കുകയാണ്. യുപിഎ സര്ക്കാരിന്റെ കാലത്ത് എണ്ണ കമ്പനികള്ക്ക് കൊടുക്കാനുള്ള കടം മോദി സര്ക്കാര് വീട്ടി കഴിഞ്ഞുവെന്നും സുരേന്ദ്രന് ചൂണ്ടിക്കാണിച്ചു.
