ബെംഗളൂരു : കേന്ദ്ര ആഭ്യന്തരമന്ത്രി അമിത് ഷാ ഇന്ന് കര്ണാടകയിലെത്തും. രാവിലെ ഹുബ്ബള്ളിയില് ഒരു ഇന്ഡോര് സ്റ്റേഡിയം ഷാ ഉദ്ഘാടനം ചെയ്യും. ഉച്ചയ്ക്ക് ശേഷം ധാര്വാഡില് ഫോറന്സിക് സയന്സ് ലാബിന് തറക്കല്ലിടല് ചടങ്ങും അദ്ദേഹം നിര്വഹിക്കും.
സന്ദര്ശനത്തോടനുബന്ധിച്ച് ബിജെപിയുടെ തെരഞ്ഞെടുപ്പ് ഒരുക്കളും അമിത് ഷാ വിലയിരുത്തും. തെരഞ്ഞെടുപ്പ് പ്രചാരണപരിപാടിയായ വിജയ സങ്കല്പ്പ് അഭിയാനില് ഷാ എത്തും. അതിന് ശേഷമായിരിക്കും കുണ്ടഗോലിലെ റോഡ് ഷോയിലും പങ്കെടുക്കും.
മുഖ്യമന്ത്രി ബസവരാജ് ബൊമ്മൈ, മുതിര്ന്ന നേതാവ് ബിഎസ് യെദിയൂരപ്പ, ബിജെപി സംസ്ഥാന അധ്യക്ഷന് നളിന് കട്ടീല്, കേന്ദ്രമന്ത്രി പ്രഹ്ലാദ് ജോഷി എന്നിവര് പരിപാടികളില് ഷായ്ക്കൊപ്പം ഉണ്ടാകും.
