തിരുവനന്തപുരം: ഇന്നും നാളെയും ഗള്ഫ് ഓഫ് മാന്നാര് അതിനോട് ചേര്ന്നുള്ള കോമോറിന് പ്രദേശം എന്നിവിടങ്ങളില് വടക്കുകിഴക്ക് ദിശയില് മണിക്കൂറില് 45 മുതല് 55 കിലോമീറ്റര് വരെ വേഗതയിലും ചില അവസരങ്ങളില് 65 കിലോമീറ്റര് വരെ വേഗതയിലും ശക്തമായ കാറ്റിന് സാധ്യതയുള്ളതായി കേന്ദ്രകാലാവസ്ഥാവകുപ്പ്.
ഈ സാഹചര്യത്തില് ഇന്നും നാളെയും മുന്നറിയിപ്പുള്ള പ്രദേശങ്ങളില് മത്സ്യബന്ധനത്തിന് പോകരുതെന്ന് ജില്ലാ കളക്ടര് അറിയിച്ചു. അതേസമയം കേരള-കര്ണാടക-ലക്ഷദ്വീപ് തീരങ്ങളില് മത്സ്യബന്ധനത്തിന് തടസമില്ലെന്നും അറിയിപ്പില് പറയുന്നു. അതിതീവ്ര ന്യൂനമര്ദ്ദ ചുഴലിക്കാറ്റ് സംബന്ധിച്ച കാലാവസ്ഥാ മുന്നറിയിപ്പ് കാരണം നേരത്തെ തൊഴില് ദിനങ്ങള് നഷ്ടപ്പെട്ട മത്സ്യത്തൊഴിലാളി കുടുംബങ്ങള്ക്കായി 50.027 കോടി രൂപ നഷ്ടപരിഹാരമായി അനുവദിക്കാന് സംസ്ഥാന മന്ത്രിസഭായോഗം തീരുമാനിച്ചു.
