തിരുവനന്തപുരം : ബലാത്സംഗ കേസില് പ്രതിയായ ഇന്സ്പെക്ടര് പി.ആര്. സുനുവിനെ പോലീസ് സേനയില് നിന്നും പിരിച്ചുവിട്ടു. ഡിജിപി അനില്കാന്താണ് പിരിച്ചുവിട്ടുകൊണ്ട് ഉത്തരവിറക്കിയത്. പോലീസ് ആക്ടിലെ വകുപ്പ് 86 പ്രകാരം ഡിജിപിയാണ് നടപടി.
സംസ്ഥാനത്തിന്റെ ചരിത്രത്തില് ആദ്യമായാണ് പോലീസ് ആക്ട് ഉപയോഗിച്ച് ഒരു ഉദ്യോഗസ്ഥനെ സേനയില് നിന്നും പുറത്താക്കുന്നത്. തുടര്ച്ചയായി കുറ്റകൃത്യം ചെയ്യുന്ന ബലാല്സംഗം ഉള്പ്പെടെ ക്രിമിനല് കേസില് പ്രതിയായ വ്യക്തിക്ക് പോലീസില് തുടരാന് യോഗ്യതയില്ലെന്ന് നടപടിയെടുത്ത ഡിജിപി ഉത്തരവില് വ്യക്തമാക്കി.
ബലാത്സംഗക്കേസ് കൂടാതെ സുനുവിനെതിരെ നിരവധി ക്രമിനല് കേസുകളുമുണ്ട്. ഇയാള്ക്കെതിരെ 15 തവണ വകുപ്പുതല നടപടികളും ആറ് സസ്പെന്ഡ് ചെയ്തിട്ടുമുണ്ട്. ബേപ്പൂര് കോസ്റ്റല് സിഐ ആയിരുന്ന സുനുവിനെ തൃക്കാക്കര കൂട്ടബലാത്സംഗ കേസില് ഉള്പ്പെട്ടതോടെ സസ്പെന്ഡ് ചെയ്തിരിക്കുകയായിരുന്നു.
തൃക്കാക്കര കൂട്ടബലാത്സംഗ കേസിലെ മൂന്നാം പ്രതിയാണ് പി ആര് സുനു. എറണാകുളം സ്വദേശിയായ യുവതിയുടെ പരാതിയെ തുടര്ന്ന് ഇയാളെ പ്രതിചേര്ത്തത്. തുടര്ന്ന് പോലീസ് മലപ്പുറത്തെത്തിയാണ് ഇയാളെ കസ്റ്റഡിയില് എടുത്തത്.
