കോട്ടയം : ശബരിമല തീര്ത്ഥാടകര് സഞ്ചരിച്ച ബസ് അപകടത്തില്പ്പെട്ട് 14 പേര്ക്ക് പരിക്ക്. ഇതില് അഞ്ച് പേരുടെ പരിക്ക് ഗുരുതരമാണ്. ശബരിമലയിലേക്ക് പോകുന്നതിനിടെ പാലയ്ക്ക് സമീപം മാനത്തൂരില്വെച്ചാണ് തീര്ത്ഥാടക സംഘത്തിന്റെ വാഹനം അപകടത്തില്പ്പെടുന്നത്.
തമിഴ്നാട് വെല്ലൂരില് നിന്നുള്ള തീര്ത്ഥാടകരാണ് അപകടത്തില്പ്പെട്ടത്. പരിക്കേറ്റവരെ കോട്ടയം മെഡിക്കല് കോളേജില് പ്രവേശിപ്പിച്ചിരിക്കുകയാണ്. തീര്ത്ഥാടകര് സഞ്ചരിച്ചിരുന്ന ബസ് റോഡിന് സമീപത്തെ മതിലിലേക്ക് ബസ് ഇടിച്ച് കയറിയാണ് അപകടം സംഭവിച്ചത്.
ബസിന്റെ ജനല് ചില്ല് തകര്ന്ന് പുറത്തേക്ക് തെറിച്ചവര്ക്കാണ് സാരമായി പരിക്കേറ്റത്. ഡ്രൈവര് ഉറങ്ങി പോയതാണ് കാരണമെന്നാണ് പ്രാഥമിക നിഗമനം. രാത്രി ഒരു മണിയോടെയായിരുന്നു അപകടം നടന്നത്.
