ന്യൂദല്ഹി: കഴിഞ്ഞ 24 മണിക്കൂറില് രാജ്യത്ത് 173 പുതിയ കോവിഡ് കേസുകള് റിപ്പോര്ട്ട് ചെയ്തു. ഇന്ത്യയിലെ പ്രതിദിന പോസിറ്റിവിറ്റി നിരക്ക് 0.19% ആണ്. നിലവില് പ്രതിവാര പോസിറ്റിവിറ്റി നിരക്ക് 0.14% ആയി. രാജ്യത്ത് ആകെ നടത്തിയത് 91.1 കോടി പരിശോധനകളാണ്. ഇതില് കഴിഞ്ഞ 24 മണിക്കൂറില് 92,955 പരിശോധനകള് നടത്തി.
അതേസമയം ദേശീയ രോഗമുക്തി നിരക്ക് ഇപ്പോള് 98.8% ആണ്. കഴിഞ്ഞ 24 മണിക്കൂറിനിടെ 207 പേര് സുഖം പ്രാപിച്ചതോടെ ആകെ രോഗമുക്തരുടെ എണ്ണം 4,41,45,445 ആയി. രാജ്യത്ത് നിലവില് 2,670 പേരാണ് ചികിത്സയിലുള്ളത്. സജീവ കേസുകള് ഇപ്പോള് 0.01% ആണ്. രാജ്യവ്യാപക പ്രതിരോധ കുത്തിവയ്പ് പരിപാടിയുടെ ഭാഗമായി ഇതുവരെ നല്കിയത് 220.1 കോടി വാക്സിന് ഡോസുകളാണ്. ഇതില് 95.13 കോടി രണ്ടാം ഡോസും 22.41 കോടി മുന്കരുതല് ഡോസുമാണ്. കഴിഞ്ഞ 24 മണിക്കൂറില് നല്കിയത് 6,675 ഡോസുകള്.
