തിരുവനന്തപുരം: രാജ്യത്ത് ഉടനീളം 10000 ഫാര്മേഴ്സ് പ്രൊഡ്യൂസര് കമ്പനി രൂപീകരിക്കുക എന്ന കേന്ദ്രസര്ക്കാര് പദ്ധതി പ്രകാരം പുഴക്കല് ബ്ലോക്ക് പഞ്ചായത്ത് പരിധി ആസ്ഥാനമായി രൂപീകരിച്ച നല്ല നാട് ഫാര്മേര്സ് പ്രൊഡ്യൂസര് കമ്പനി പ്രവര്ത്തനമാരംഭിച്ചു.
പറപ്പൂര് ക്ഷീര വികസന സംഘം ഓഡിറ്റോറിയത്തില് വച്ച് നടന്ന പരിപാടിയില് ആദ്യ ഓഹരി ഉടമകള്ക്ക് സര്ട്ടിഫിക്കറ്റുകള് വിതരണം ചെയ്യുകയും, കര്ഷകര്ക്ക് ശാസ്ത്രീയമായ കൃഷി രീതികളെ കുറിച്ചുള്ള പരിശീലനവും സംഘടിപ്പിക്കുകയും ചെയ്തു. കമ്പനി ചെയര്മാന് സന്ദീപ് ജി വാര്യരുടെ അധ്യക്ഷതയില് നടന്ന യോഗം പുഴക്കല് ബ്ലോക്ക് പഞ്ചായത്ത് പ്രസിഡന്റ് ആനി ജോസ് ഉദ്ഘാടനം ചെയ്തു.
പുഴക്കല് ബ്ലോക്ക് എഡിഎ ഉണ്ണി രാജ, തോളൂര് ഗ്രാമ പഞ്ചായത്ത് ആക്ടിംഗ് പ്രസിസന്റ് ശ്രീകല കുഞ്ഞുണ്ണി, വികസന സ്റ്റാന്റിംഗ് കമ്മിറ്റി അംഗം സരസമ്മ, തൃശ്ശൂര് സോയില് ടെസ്റ്റിംഗ് ലാബ് കൃഷി ഓഫീസര് ജോസഫ് ജോണ്, മറ്റ് കൃഷി വകുപ്പ് ഉദ്യോഗസ്ഥര് തുടങ്ങിയവര് സംസാരിച്ചു.
