ന്യൂദല്ഹി: ദേഹാസ്വാസ്ഥ്യത്തെ തുടര്ന്ന് ധനമന്ത്രി നിര്മ്മല സീതാരാമനെ ദല്ഹിയിലെ ഓള് ഇന്ത്യ ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസില്(എയിംസ്) പ്രവേശിപ്പിച്ചു.
വയറിലെ അണുബാധയാണ് കാരണമെന്ന് പറയുന്നു. പനിയും ഉണ്ടായിരുന്നു. ഇപ്പോള് ആരോഗ്യനില സാധാരണനിലയിലാണെന്ന് ആശുപത്രി അധികൃതര് അറിയിച്ചു. നിരവധി ടെസ്റ്റുകള് നടത്തിയതിന്റെ ഫലം കാത്തിരിക്കുകയാണ്.
തിങ്കളാഴ്ച ഉച്ചയോടെയായിരുന്നു 63 വയസ്സായ നിര്മ്മല സീതാരാമനെ എയിംസില് പ്രവേശിപ്പിച്ചത്. തമിഴ്നാട്ടിലെ എംജിആര് യൂണിവേഴ്സിറ്റിയിലെ 35ാം ബിരുദദാനച്ചടങ്ങില് പങ്കെടുത്തിരുന്നു. ഞായറാഴ്ച സദൈവ് അടല് എന്ന വാജ്പേയിയുടെ ജന്മവാര്ഷികദിനത്തില് പങ്കെടുത്തിരുന്നു.
ഇപ്പോള് സ്വകാര്യ വാര്ഡില് ചികിത്സയിലാണ്. മോദിയുടെ വിശ്വസ്തയായ മന്ത്രിമാരില് ഒരാളാണ് ധനമന്ത്രി നിര്മ്മല സീതാരാമന്.
