ത്രില്ലര് റോഡ് മൂവിയായ ചാക്കാലയുടെ ഓഡിയോ, ട്രെയ്ലര് ലോഞ്ച് ചെയ്തു. തിരുവനന്തപുരം കവടിയാര് ഗോള്ഫ് ക്ലബ്ബില് നടന്ന ചടങ്ങില് സംവിധായകന് മധുപാല് ട്രെയ്ലര് ലോഞ്ച് നിര്വഹിച്ചു. ഇടം തിയേറ്ററിന്റെ ബാനറില് ജെയ്ന് ക്രിസ്റ്റഫറാണ് ചിത്രത്തിന്റെ കഥ, ഛായാഗ്രഹണം, സംവിധാനം നിര്വ്വഹിക്കുന്നത്.
ജിജി തോംസണ് ഐഎഎസ്, സംവിധായകന് ശ്രീവല്ലഭന്, എസ്.എന്. രഘുചന്ദ്രന് നായര്, റോണി റാഫേല്, പി.കെ. ലാലു, ജിഷ ജോണ്, സതികുമാരി എസ്, ബാലന് പന്തളം എന്നിവര് ആശംസകള് അര്പ്പിച്ചു. കുട്ടനാട്ടില് നിന്നും, ഹൈറേഞ്ചിലേക്കുള്ള യാത്രയിലുണ്ടാവുന്ന ഞെട്ടിക്കുന്ന സംഭവ പരമ്പരകളിലൂടെ കടന്നുപോകുന്ന വ്യത്യസ്തമായ റോഡ് മൂവിയാണ് ചാക്കാല. ചിത്രീകരണം പൂര്ത്തിയായ ചിത്രത്തിന്റെ സ്റ്റുഡിയോ വര്ക്കുകള് പുരോഗമിക്കുന്നു.
തിരക്കഥ, സംഭാഷണം – സതീഷ് കുമാര്, എഡിറ്റിങ് – രതീഷ് മോഹന്, കളറിസ്റ്റ് – ഗൗതം പണിക്കര്, ഗാനരചന – ദീപ സോമന്, സെബാസ്റ്റ്യന് ഒറ്റമശ്ശേരി, സംഗീതം – മധു ലാല്, റജിമോന്, ആലാപനം- ജാസി ഗിഫ്റ്റ്, പന്തളം ബാലന്, റെജിമോന്, പിആര്ഒ- അയ്മനം സാജന്
പ്രമോദ് വെളിയനാട്, ഷാജി മാവേലിക്കര, സുധിക്കുട്ടി, പുത്തില്ലം ഭാസി, ജോസ് പാല, വിനോദ്കുറിയന്നൂര്, ലോനപ്പന് കുട്ടനാട് ,സിനി ജിനേഷ്, നുജൂമുദീന്, ജിക്കു ,ദീപിക ശങ്കര്, മനോജ് കാര്ത്ത്യാ, ആന്സി, വിജയന് പുല്ലാട് ,പ്രകാശ് ഇരവിപേരൂര് എന്നിവര് അഭിനയിക്കുന്നു.
