വിനയ് ഫോര്ട്ട്,കൃഷ്ണ ശങ്കര്, അനു സിത്താര, മെറിന് ഫിലിപ്പ് എന്നിവരെ പ്രധാന കഥാപാത്രങ്ങളാക്കി സര്ജു രമാകാന്ത് സംവിധാനം ചെയ്യുന്ന ‘വാതില്’ എന്ന ചിത്രത്തിന്റെ ഒഫീഷ്യല് വീഡിയോ ഗാനം റിലീസായി. സെജോ ജോണ് ഗാനരചനയും സംഗീത സംവിധാനവും നിര്വഹിച്ച് ഷെഹബാസ് അമന്,ഫെജോ എന്നിവര് ആലപിച്ച ‘ജീവിതം തന്ന തമാശ’ എന്നാരംഭിക്കുന്ന ഗാനമാണ് റിലീസായത്.
സ്പാര്ക്ക് പിക്ച്ചേഴ്സിന്റെ ബാനറില് സുജി കെ. ഗോവിന്ദ് രാജ് നിര്മ്മിക്കുന്ന ഈ ചിത്രത്തില് സുനില് സുഖദ, ഉണ്ണിരാജ്, അബിന് ബിനോ, വി. കെ. ബൈജു, അഞ്ജലി നായര്, സ്മിനു തുടങ്ങിയ പ്രമുഖരും അഭിനയിക്കുന്നു. ഷംനാദ് ഷബീര് തിരക്കഥ സംഭാഷണമെഴുതുന്ന ഈ ചിത്രത്തിന്റെ ഛായാഗ്രഹണം മനേഷ് മാധവന് നിര്വ്വഹിക്കുന്നു. വിനായക് ശശികുമാര്,സെജോ ജോണ് എന്നിവരുടെ വരികള്ക്ക് സെജോ ജോണ് സംഗീതം പകരുന്നു.
എഡിറ്റര്- ജോണ്ക്കുട്ടി, എക്സിക്യൂട്ടീവ് പ്രൊഡ്യുസര്- അനുപ് കാരാട്ട് വെള്ളാട്ട്, റിയാസ് അടക്കണ്ടി, കോ-പ്രൊഡ്യൂസര്- രജീഷ് വാളാഞ്ചേരി, പ്രൊജക്ട് ഡിസൈനര്- റഷീദ് മസ്താന്, പ്രൊഡക്ഷന് കണ്ട്രോളര്- ഷാജി കാവനാട്ട്, പ്രൊഡക്ഷന് എക്സിക്യൂട്ടീവ്-സുധര്മ്മന് വള്ളിക്കുന്ന്. വാര്ത്ത പ്രചരണം- എ.എസ്. ദിനേശ്.
