കോഴിക്കോട് : സി പി എം വിശാല സംസ്ഥാന സമിതിയില് അവതരിപ്പിച്ച തിരഞ്ഞെടുപ്പ് അവലോകന റിപ്പോര്ട്ടിനെ രൂക്ഷമായി വിമര്ശിച്ച് കണ്ണൂര് ജില്ലാ കമ്മിറ്റി. റിപ്പോര്ട്ടില് സംസ്ഥാന സെക്രട്ടറിയേറ്റ് സ്വയംവിമര്ശനം ഉന്നയിക്കുകയോ സ്വന്തം വീഴ്ചയെക്കുറിച്ച് പറയുകയോ ചെയ്യുന്നില്ലെന്നാണ് കുറ്റപ്പെടുത്തല്. തളിപ്പറമ്പിലെ തോല്വിയെ കുറിച്ച് പരാമര്ശമില്ലെന്നും വിമര്ശനമുണ്ട്.
റിപ്പോര്ട്ടില് തോല്വിയുടെ ഉത്തരവാദിത്വം അണികളുടെയും ജില്ലാ നേതൃത്വത്തിന്റെയും മാത്രം തലയില് വയ്ക്കുന്നു.തളിപ്പറമ്പ്, പയ്യന്നൂര് മണ്ഡലങ്ങളുടെ പേരെടുത്ത് പറയാതെ സ്ഥാനാര്ത്ഥി നിര്ണയം പാളിയതിലെ പൊതുരാമര്ശം മാത്രമാണ് ഉള്ളതെന്നും കണ്ണൂര് ജില്ലാ കമ്മിറ്റി കുറ്റപ്പെടുത്തി. ഇന്നത്തെ ചര്ച്ചയില് പങ്കെടുത്തത് അഞ്ച് ജില്ലകളിലെ അംഗങ്ങളാണ്.
റിപ്പോര്ട്ടില് തെറ്റുതിരുത്തല് നിര്ദ്ദേശം സമഗ്രമല്ല. സെക്രട്ടേറിയറ്റിന്റെ വീഴ്ചയില് സ്വയം വിമര്ശനവുമില്ല. വീഴ്ചകളുടെ ഉത്തരവാദിത്വം അണികള്ക്കും ജില്ലാ നേതൃത്വത്തിന്റെയും മാത്രമാക്കിയെന്നാണ് ഉയരുന്ന വിമര്ശനം.
