തിരുവനന്തപുരം: സംസ്ഥാനത്തെ വിവിധ തൊഴില് സ്ഥാപനങ്ങളില് സിപിഎം പ്രവര്ത്തകരെ മാത്രം നിയമിക്കാന് പാര്ട്ടി നടത്തുന്ന വഴിവിട്ട നീക്കത്തിന്റെ പുതിയ തെളിവും പുറത്ത്. സഹകരണ മേഖലയിലെ നിയമനങ്ങളിലും സിപിഎം ഇടപെടല് വ്യക്തമാക്കുന്ന കത്താണ് വാര്ത്ത ചാനല് പുറത്തുവിട്ടത്. സി പി എം ജില്ലാ സെക്രട്ടറി ആനാവൂര് നാഗപ്പന്റേതാണ് കത്ത്. ജില്ലാ മര്ക്കന്റെയില് സഹകരണ സംഘത്തിലേക്ക് മൂന്നുപേരെ നിയമിക്കാനാണ് ആനാവൂര് കത്ത് നല്കിയത്. ജൂനിയര് ക്ലര്ക്ക് വിഭാഗത്തില് രണ്ടും ഡ്രൈവറായി മറ്റൊരാളെയും നിയമിക്കാനാണ് കത്തില് ആനാവൂരിന്റെ നിര്ദേശം. അറ്റന്ഡര് വിഭാഗത്തില് ഉടന് നിയമനം വേണ്ടെന്നും കത്തില് ആനാവൂര് നാഗപ്പന് നിര്ദേശിക്കുന്നു. ജില്ല സെക്രട്ടറിയുടെ ലെറ്റര് പാഡില് തന്നെയാണ് നിയമന ശുപാര്ശ നല്കിയിരിക്കുന്നത്.
തിരുവനന്തപുരം നഗരസഭയിലെ നിയമനകത്ത് വിവാദം കത്തിനില്ക്കുമ്പോള് തന്നെയാണ് സമാനമായ രീതിയില് സിപിഎം നടത്തുന്ന ക്രമക്കേടുകളുടെ വിവരങ്ങള് പുറത്തുവരുന്നത്.
