തിരുവനന്തപുരം: സംസ്ഥാനത്തെ വിവിധ ജില്ലകളിലെ തദ്ദേശഭരണസ്ഥാപനങ്ങളിലേക്കു നടന്ന ഉപതിരഞ്ഞെടുപ്പു ഫലം പുറത്തുവന്നു തുടങ്ങി. ആലപ്പുഴ കാര്ത്തികപ്പള്ളി പഞ്ചായത്ത് എട്ടാം വാര്ഡിലെ ഉപതിരഞ്ഞെടുപ്പില് സിപിഎമ്മിന്റെ സിറ്റിങ് സീറ്റില് ബിജെപി പിടിച്ചെടുത്തു. ബിജെപി സ്ഥാനാര്ത്ഥി ഉല്ലാസാണ് വന്വിജയം നേടിയത്.
സിപിഎം മൂന്നാം സ്ഥാനത്ത്. സിപിഎം അംഗം തുടര്ച്ചയായി യോഗങ്ങള്ക്കു ഹാജരാകാത്തതിനാല് അയോഗ്യനായതിനാലാണ് ഉപതിരഞ്ഞെടുപ്പ് നടന്നത്. ബിജെപി-286 കോണ്ഗ്രസ്-209 സിപിഎം-164 എന്നിങ്ങനെയാണ് വോട്ടുനില.
