സൂപ്പര് ഹിറ്റായ രാക്ഷസന് എന്ന ചിത്രത്തിനു ശേഷം ആക്സസ് ഫിലിം ഫാക്ടറി അവതരിപ്പിക്കുന്ന ഹൊറര് ത്രില്ലര് ചിത്രമായ ‘ മിറല്’ നവംബര് പതിനൊന്നിന് കേരളത്തില് തിയ്യേറ്ററികളിലെത്തുന്നു. ഒരു ഇടവേളക്ക് ശേഷം നടന് ഭരത് നായകനാകുന്ന ഈ ചിത്രത്തില് വാണി ഭോജന് നായികയാവുന്നു.
എം ശക്തിവേല് തിരക്കഥയെഴുതി സംവിധാനം ചെയ്യുന്ന ചിത്രത്തില് കെ എസ് രവികുമാര്, മീരാകൃഷ്ണന്, രാജ്കുമാര്, കാവ്യ അറിവുമണി തുടങ്ങിയ പ്രമുഖരും അഭിനയിക്കുന്നു. ആക്സസ് ഫിലിം ഫാക്ടറിയുടെ ബാനറില് ജി ഡില്ലി ബാബു നിര്മ്മിക്കുന്ന ഈ ചിത്രത്തിന്റെ ഛായാഗ്രഹണം സുരേഷ് ബാല നിര്വ്വഹിക്കുന്നു.
സംഗീതം- പ്രസാദ് എസ്.എന്, എഡിറ്റര്- കലൈവാനന് ആര്, കല- മണികണ്ഠന് ശ്രീനിവാസന്, ആക്ഷന് കൊറിയോഗ്രഫി- ഡേയ്ഞ്ചര് മണി, സൗണ്ട് ഡിസൈര്- സച്ചിന് സുധാകരന്, ഹരിഹരന് എം, പിആര്ഒ- എ.എസ്. ദിനേശ്.
