ന്യൂദല്ഹി : രാജ്യത്തെ എല്ലാ സംസ്ഥാനങ്ങളുടേയും ആഭ്യന്തരമന്ത്രിമാരുടെ ചിന്തന് ശിബിരത്തിന് ഇന്ന് ഹരിയാനയില് തുടക്കമിടും. കേന്ദ്ര ആഭ്യന്തരമന്ത്രി അമിത് ഷായാണ് യോഗത്തില് അധ്യക്ഷത വഹിക്കുന്നത്. വെള്ളിയാഴ്ച പ്രധാനമന്ത്രി നരേന്ദ്രമോദിയും ചിന്തന് ശിബിരത്തെ അഭിസംബോധന ചെയ്യും.
കേരളത്തെ പ്രതിനിധീകരിച്ച് മുഖ്യമന്ത്രി പിണറായി വിജയന് രണ്ടു ദിവസത്തെ യോഗത്തില് പങ്കെടുക്കും. വിവിധ സംസ്ഥാനങ്ങളിലെ ആഭ്യന്തര സെക്രട്ടറിമാര്, ഡിജിപിമാര് തുടങ്ങിയവരും യോഗത്തില് പങ്കെടുക്കുന്നുണ്ട്. വിഷന് 2047നും, പ്രധാനമന്ത്രി പ്രഖ്യാപിച്ച അഞ്ച് പ്രതിജ്ഞകള്ക്കുള്ള കര്മ്മ പരിപാടികള് തയ്യാറാക്കുകയാണ് പ്രധാന അജണ്ട.
കൂടാതെ സൈബര് കുറ്റകൃത്യങ്ങള്, മയക്കുമരുന്ന് കടത്ത്, പോലീസ് സേനയുടെ നവീകരണം എന്നിവയും യോഗത്തില് ചര്ച്ചയാകും. കേരളത്തിലെ ഭരണത്തില് ഗവര്ണറുടെ ഇടപെടല് മുഖ്യമന്ത്രി പിണറായി വിജയന് യോഗത്തില് ഉന്നയിച്ചേക്കാം.
