കൊച്ചി : ഇലന്തൂര് നരബലി കേസിലെ പ്രതികളെ ഒമ്പത് ദിവസത്തേയ്ക്ക് കൂടി പോലീസ് കസ്റ്റഡിയില് വിട്ടു. പെരുമ്പാവൂര് ജൂഡീഷ്യല് മജിസ്ട്രേറ്റ് കോടതിയുടേതാണ് ഉത്തരവ്. പ്രതികളെ പത്ത് ദിവസത്തെ കസ്റ്റഡിയില് വിടണമെന്നാണ് പോലീസ് ആവശ്യപ്പെട്ടിരുന്നത്.
ആദ്യം നരബലിക്കിരയായ റോസ്ലിന്റെ കൊലപാതകത്തില് വിശദമായ അന്വേഷണങ്ങള്ക്കായി കേസിലെ പ്രതികളായ മുഹമ്മദ് ഷാഫി, ഭഗവല് സിങ്, ലൈല എന്നിവരെ കസ്റ്റഡിയിലെടുത്ത് ചോദ്യംചെയ്യേണ്ടതുണ്ട്. നരബലി നടത്തിയതില് 20 കാര്യങ്ങളില് വിശദീകരണം വേണം. പ്രതികളുടെ മൊഴികളില് വൈരുദ്ധ്യങ്ങളുണ്ട്. ഇവരെ ഒരുമിച്ചിരുത്തി ചോദ്യം ചെയ്യണം തെളിവെടുപ്പും പൂര്ത്തിയാക്കേണ്ടതുണ്ടെന്നും കാലടി പോലീസ് കോടതിയില് അറിയിച്ചു.
എന്നാല് മാധ്യമ ശ്രദ്ധയ്ക്ക് വേണ്ടി പോലീസ് കേസിനെ വഴിതിരിച്ചു വിടുകയാണ്. കസ്റ്റഡി ആവശ്യം അംഗീകരിക്കരുതെന്നും പ്രതിഭാഗം വക്കീല് കോടതിയില് ആവശ്യപ്പെട്ടു. ഇത് അംഗീകരിക്കാതെ കോടതി ഒമ്പത് ദിവസത്തെ കസ്റ്റഡിയില് വിടുകയായിരുന്നു. അതേസമയം ഇതില് രണ്ട് ദിവസം പ്രതികള്ക്ക് അഭിഭാഷകനെ കാണാം 15 മിനിട്ട നേരത്തേക്കാണ് ഇതിനുള്ള സമയം അനുവദിച്ചിരിക്കുന്നത്.
