തിരുവനന്തപുരം: വിവരാവകാശ നിയമപ്രകാരമുള്ള രേഖകള്‍ ലഭിക്കാതെ അപേക്ഷക മരിച്ച സംഭവത്തില്‍ ഓഫീസ് സൂപ്രണ്ടിന് പിഴ ശിക്ഷ. തിരുവനന്തപുരം കോര്‍പ്പറേഷന്‍ ഫോര്‍ട്ട് സോണല്‍ ഓഫീസ് സൂപ്രണ്ട് ജെസ്സിമോള്‍ പി.വി. 15,000 രൂപ പിഴ ഒടുക്കാനാണ് വിവരാവകാശ കമ്മീഷണര്‍ എ. അബ്ദുല്‍ ഹക്കിം വിധിച്ചത്.
ജെസ്സിമോള്‍ നെടുമങ്ങാട് നഗരസഭ സൂപ്രണ്ടായിരുന്നപ്പോള്‍ അവിടുത്തെ ജീവനക്കാരിയായിരുന്ന സുലേഖ ബാബുവിന് പെന്‍ഷന്‍ ആനുകൂല്യങ്ങളും അതിന്‍മേലുള്ള വിവരങ്ങളും കൃത്യസമയം നല്കിയില്ല. ഇവയ്‌ക്കായി കാത്തിരുന്ന സുലേഖയേയും സൂപ്രണ്ടിനെയും കമ്മീഷന്‍ ഹിയറിങ്ങിന് വിളിച്ചു.
ആശുപത്രിയില്‍ ചികിത്സയിലായിരുന്ന സുലേഖ ഹിയറിങ്ങിന് മുമ്പ് സപ്തംബര്‍ 12ന് മരിച്ചു. തുടര്‍ന്ന് നടത്തിയ തെളിവെടുപ്പിലാണ് ജെസ്സിമോള്‍ കുറ്റക്കാരിയാണെന്ന് കണ്ടെത്തിയത്.
