പ്രേക്ഷര്ക്ക് പുതിയ സിനിമാനുഭം തിയേറ്ററില് സമ്മാനിച്ച റോഷാക്കിന് ശേഷം മമ്മൂട്ടി കമ്പനി നിര്മിക്കുന്ന ചിത്രമാണ് ‘കാതല്’. പകര്ന്നാട്ട കലയുടെ ചക്രവര്ത്തി മമ്മൂട്ടി നായകനാകുന്ന കാതലില് തെന്നിന്ത്യന് താരം ജ്യോതികയാണ് നായിക. ജിയോ ബേബി സംവിധാനം ചെയ്യുന്ന എഴാമത്തെ ചിത്രമാണ് കാതല്. ദുല്ഖര് സല്മാന്റെ വേഫേറെര് ഫിലിംസ് ആണ് ചിത്രത്തിന്റെ വിതരണം നിര്വഹിക്കുന്നത്.
ചിത്രത്തിലെ മറ്റു പ്രധാന വേഷങ്ങളില് ലാലു അലക്സ്, മുത്തുമണി, ചിന്നു ചാന്ദിനി, സുധി കോഴിക്കോട്, അനഘ അക്കു, ജോസി സിജോ, ആദര്ശ് സുകുമാരന് തുടങ്ങിയവര് അഭിനയിക്കുന്നു. മമ്മൂട്ടി കമ്പനിയുടെ ആദ്യ ചിത്രം ലിജോ ജോസ് പല്ലിശ്ശേരി സംവിധാനം ചെയ്ത നന്പകന് നേരത്ത് മയക്കം കേരള അന്താരാഷ്ട്ര ചലച്ചിത്രമേളയില് ഇന്റര്നാഷണല് മത്സര വിഭാഗത്തിലേക്ക് തെരഞ്ഞെടുക്കപ്പെട്ടിരുന്നു. 12 വര്ഷങ്ങള്ക്കു ശേഷം ജ്യോതിക മലയാള സിനിമയിലേക്ക് തിരിച്ചെത്തുന്ന മമ്മൂട്ടി ചിത്രം കാതലിന്റെ തിരക്കഥ നിര്വഹിച്ചിരിക്കുന്നത് ആദര്ഷ് സുകുമാരനും പോള്സണ് സ്കറിയയുമാണ്.
