കോട്ടയം: മദ്യലഹരിയില് ഭാര്യയുടെ കൈവെട്ടിയ കേസിലെ പ്രതിയായ ഭര്ത്താവ് തൂങ്ങിമരിച്ച നിലയില്. കാണക്കാരി സ്വദേശി പ്രദീപിന് വേണ്ടി അന്വേഷണം നടത്തി വരികയായിരുന്നു. അതിനിടെയാണ് രാമപുരം പോലീസ് സ്റ്റേഷന് പരിധിയിലെ അരീക്കരയില് തൂങ്ങിമരിച്ച നിലയില് കണ്ടെത്തിയത്.
കഴിഞ്ഞ വെള്ളിയാഴ്ചയാണ് പ്രദീപ് ഭാര്യ മഞ്ജുവുമായി കലഹത്തില് ഏര്പ്പെടുകയും തുടര്ന്ന് അവരുടെ ഇരു കൈകളും വെട്ടി മാറ്റിയ ശേഷം ഒളിവില് പോയത്. അവരുടെ ഒരു കൈ അറ്റുതൂങ്ങുകയും വലത് കൈയിലെ മൂന്ന് വിരലുകള് അറ്റുപോവുകയുമുണ്ടായി. ചുണ്ടിനും പുറത്ത് തോളെല്ലിനും വെട്ടേറ്റു. കോട്ടയം മെഡിക്കല് കോളേജ് ആശുപത്രിയില് ചികിത്സയിലാണ് മഞ്ജു.
മദ്യപിച്ച് ഭാര്യയുമായി പ്രദീപ് വഴക്കുണ്ടാക്കുന്നത് പതിവായിരുന്നു. മഞ്ജുവിനെ വെട്ടുന്നത് കണ്ട് തടസം പിടക്കാനെത്തിയ പത്ത് വയസുകാരി മകളെയും പ്രദീപ് ആക്രമിച്ചിരുന്നു. സംഭവത്തിന് പിന്നാലെ സ്ഥലത്ത് നിന്നും കടന്നുകളഞ്ഞ പ്രദീപിനായി പോലീസ് തെരച്ചില് നടത്തുന്നതിനിടെയാണ് മരിച്ച നിലയില് കണ്ടെത്തിയിരിക്കുന്നത്.
