കൊച്ചി: ലൈഫ് മിഷന് അഴിമതി കേസില് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം ശിവശങ്കറിനെ സിബിഐ ചോദ്യം ചെയ്യും. ചോദ്യം ചെയ്യലിനായി നാളെ രാവിലെ 10.30ന് കൊച്ചി ഓഫിസില് ഹാജരാകാന് ആവശ്യപ്പെട്ട് സിബിഐ നോട്ടിസ് നല്കി.
ലൈഫ് മിഷന് കേസില് ഇതാദ്യമായാണ് ശിവശങ്കറിനെ സിബിഐ ചോദ്യം ചെയ്യുന്നത്. ലൈഫ് മിഷന്റെ പദ്ധതിയില് വടക്കാഞ്ചേരിയില് ഫ്ളാറ്റ് നിര്മിക്കുന്നതിന് കരാര് നല്കിയതില് കോടിക്കണക്കന് രൂപ കൈക്കൂലി വാങ്ങിയെന്നാണ് ശിവശങ്കറിനെതിരായ ആരോപണം. യുഎഇ കോണ്സുലേറ്റ് ഉദ്യോഗസ്ഥരും എം ശിവശങ്കറും ഇത് വീതിച്ചെടുത്തെന്നും സ്വര്ണക്കളളക്കടത്ത് കേസ് പ്രതി സ്വപ്ന സുരേഷ് ആരോപിച്ചിരുന്നു. ഈ പശ്ചാത്തലത്തിലാണ് ശിവശങ്കറെ ചോദ്യം ചെയ്യാന് വിളിപ്പിച്ചിരിക്കുന്നത്. സ്വപ്ന സുരേഷ്, സന്ദീപ് നായര് എന്നിവരും ലൈഫ് മിഷന് കേസിലും പ്രതികളാണ്.
