തിരുവനന്തപുരം: സംസ്ഥാനത്ത് മഴ കൂടുതല് ശക്തിപ്പെടാന് സാധ്യതയെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. ബംഗാള് ഉള്ക്കടലില് ആന്ധ്രാ തീരത്ത് സമീപം ന്യൂനമര്ദ്ദം നിലനില്ക്കുന്ന സാഹചര്യത്തില് കേരളത്തില് ഇന്നും നാളെയും കഴിഞ്ഞ ദിവസത്തെ അപേക്ഷിച്ച് കൂടുതല് വ്യാപകമായി മഴ ലഭിക്കുമെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി.
ഇന്ന് എറണാകുളം, ആലപ്പുഴ, തൃശൂര്, വയനാട്,കോഴിക്കോട് പാലക്കാട്, മലപ്പുറം,കോട്ടയം ജില്ലകളിലാണ് കൂടുതല് മഴ സാധ്യതയുള്ളത്. കഴിഞ്ഞ ദിവസങ്ങളില് സംസ്ഥാനത്ത് ഒറ്റപ്പെട്ട ശക്തമായ മഴ ലഭിച്ചിരുന്നു. ഉച്ചയ്ക്ക് ശേഷമാണ് മഴയ്ക്ക് കൂടുതല് സാധ്യത. മലയോര മേഖലകളില് കൂടുതല് മഴ കിട്ടിയേക്കും.
