കണ്ണൂര്: സിപിഎം മുന് സംസ്ഥാന സെക്രട്ടറിയും പിബി അംഗവുമായി കോടിയേരി ബാലകൃഷ്ണന്റെ സംസ്കാര ചടങ്ങുകള് കണ്ണൂര് പയ്യാമ്പലത്ത് നടന്നു. തിങ്കളാഴ്ച മൂന്നരയോടെ മണിയോടെയായിരുന്നു പയ്യാമ്പലത്ത് പൂര്ണ സംസ്ഥാന ബഹുമതികളോടെ സംസ്കാരചടങ്ങുകള് ആരംഭിച്ചത്. ഇ.കെ. നായനാര്, ചടയന് ഗോവിന്ദന് എന്നിവരുടെ സ്മൃതികുടീരത്തോടു ചേര്ന്നാണ് കോടിയേരി ബാലകൃഷ്ണന് ചിതയൊരുക്കിയത്. സംസ്കാര ചടങ്ങുകള്ക്ക് സാക്ഷിയായി പ്രിയപത്നി വിനോദിനിയും മക്കളും കുടുബാംഗങ്ങളും പയ്യാമ്പലത്തുണ്ടായിരുന്നു.
സീതാറാം യെച്ചൂരി, പ്രകാശ് കാരാട്ട് തുടങ്ങിയ മുതിര്ന്ന നേതാക്കളും സംസ്കാര ചടങ്ങില് പങ്കെടുക്കാനെത്തിയിരുന്നു. അഴീക്കോടന് സ്മാരകം മുതല് പയ്യാമ്പലം വരെ കാല്നടയായി കോടിയേരിയുടെ ഭൗതിക ശരീരത്തെ അനുഗമിച്ചു. പയ്യാമ്പലത്തൊരുക്കിയ ചിതയിലേക്ക് മുഖ്യമന്ത്രി പിണറായി വിജയന് സിപിഎം ജനറല് സെക്രട്ടറി സീതാറാം യെച്ചൂരി പി.ബി.അഗം പ്രകാശ് കാരാട്ട് എന്നിവര് ചേര്ന്ന് പിടിച്ചാണ് കോടിയേരിയുടെ ഭൗതിക ദേഹത്തെ എത്തിച്ചത്. ഭാര്യ വിനോദിനി അന്ത്യം ചുംബനം നല്കിയതിന് പിന്നാലെ മക്കളായ ബിനോയ് കോടിയേരിയും ബിനീഷ് കോടിയേരിയും ചേര്ന്നാണ് ചിതയ്ക്ക് തീകൊളുത്തിയത്.
