തിരുവനന്തപുരം: ബിജെപി ജില്ലാ കമ്മിറ്റിയുടെ പുതിയ ഓഫീസ് ബിജെപി ദേശീയ അദ്ധ്യക്ഷന് ജെ.പി. നദ്ദ ഉദ്ഘാടനം ചെയ്യും. സപ്തംബര് 26ന് വൈകുന്നേരം അഞ്ചിന് തൈക്കാട് ഗസ്റ്റ് ഹൗസിന് സമീപം പുതിയതായി നിര്മ്മിച്ച ജില്ലാ കമ്മിറ്റി ഓഫീസിന്റെ പ്രവര്ത്തനോത്ഘാടനമാണ് അദ്ധ്യക്ഷന് നിര്വ്വഹിക്കുക.
ബിജെപി സംസ്ഥാന അദ്ധ്യക്ഷന് കെ. സുരേന്ദ്രന്, കേന്ദ്ര സഹമന്ത്രി വി. മുരളീധരന്, മുന് കേന്ദ്ര മന്ത്രി പ്രകാശ് ജാവദേക്കര് ഉള്പ്പടെയുള്ള നേതാക്കളും ചടങ്ങില് പങ്കെടുക്കും. അതേ ദിവസം ജെ.പി. നദ്ദ വൈകുന്നേരം മൂന്നിന് കവടിയാര് ഉദയ്പാലസ്സില് ബിജെപി ബൂത്ത് പ്രസിഡന്റുമാരുടെയും ബൂത്ത് ഇന്ചാര്ജ്മാരുടെയും യോഗത്തിലും പങ്കെടുക്കും.
ആധുനിക കാലഘട്ടത്തില് ബിജെപിയുടെ ജില്ലയിലെ പ്രവര്ത്തനം ശക്തിപ്പെടുത്താന് ഉതകുന്ന തരത്തിലാണ് പുതിയ ഓഫീസ് മന്ദിരം നിര്മ്മിച്ചിരിക്കുന്നത്. മൂന്നു നിലകളുള്ള 11000 സ്ക്വയര്ഫിറ്റ് കെട്ടിടത്തില് വിവിധ മോര്ച്ചകള്ക്കും ജില്ലാ നേതാക്കള്ക്കും പ്രത്യേകം മുറികള് സജ്ജമാക്കിയിട്ടുണ്ട്.
പ്രൊജക്റ്റര് സംവിധാനത്തോടെയുള്ള അത്യധുനിക കോണ്ഫറന്സ് ഹാള്, ഐടി സെല്ലിനും മീഡിയസെല്ലിനും പ്രത്യേകം വിഭാഗങ്ങള്, കേന്ദ്രസര്ക്കാരുമായി ബന്ധപ്പെട്ട പദ്ധതികള് ജനങ്ങളില് എത്തിക്കാന് ഹെല്പ്പ് ഡെസ്ക്, വിശാലമായ ലൈബ്രറി, അതിഥികള്ക്കായുള്ള ഗസ്റ്റ് റൂം, ഓണ്ലൈന് മീറ്റിങ്ങിനും ചാനല് ചര്ച്ചകള്ക്കും പ്രത്യേകം പവലിയന്, കിച്ചണ്റൂം എന്നിവ ഉള്പ്പെടുന്നതാണ് ജില്ലാ കമ്മിറ്റിയുടെ പുതിയ ഓഫീസ്. ഭാവിയില് 2000 പേര്ക്ക് ഇരിക്കാവുന്ന ഹാള് ഉള്പ്പടെ നിര്മ്മിക്കാനുള്ള തരത്തിലാണ് ഓഫീസിന്റെ നിര്മ്മാണം.
