ഓള്‍ ഇന്ത്യ ഫുട്‌ബോള്‍ ഫെഡറേഷനു (എഐഎഫ്എഫ്) ഏര്‍പ്പെടുത്തിയിരുന്ന സസ്‌പെന്‍ഷന്‍ പിന്‍വലിക്കാന്‍ ഫിഫ കൗണ്‍സില്‍ ബ്യൂറോ തീരുമാനിച്ചു.
എഐഎഫ്എഫ് എക്‌സിക്യൂട്ടീവ് കമ്മിറ്റിയുടെ അധികാരങ്ങള്‍ ഏറ്റെടുക്കാന്‍ രൂപീകരിച്ച കമ്മിറ്റി ഓഫ് അഡ്മിനിസ്‌ട്രേറ്റേഴ്‌സിന്റെ ഉത്തരവ് അവസാനിപ്പിച്ചതായും എഐഎഫ്എഫ് ഭരണം എഐഎഫ്എഫിന്റെ ദൈനംദിന കാര്യങ്ങളുടെ പൂര്‍ണ നിയന്ത്രണം വീണ്ടെടുത്തതായും ഫിഫയുടെ സ്ഥിരീകരണം ലഭിച്ചതിനെ തുടര്‍ന്നാണ് തീരുമാനം.
ഫിഫയും എഎഫ്‌സിയും സ്ഥിതിഗതികള്‍ നിരീക്ഷിക്കുന്നത് തുടരുകയും സമയബന്ധിതമായി തിരഞ്ഞെടുപ്പ് സംഘടിപ്പിക്കുന്നതിന് എഐഎഫ്എഫിനെ പിന്തുണയ്‌ക്കുകയും ചെയ്യും. ഇതേതുടര്‍ന്ന് 2022 ഒക്ടോബര്‍ 11-30 തീയതികളില്‍ നടക്കാനിരിക്കുന്ന ഫിഫ അണ്ടര്‍ 17 വനിതാ ലോകകപ്പ് 2022 ആസൂത്രണം ചെയ്തതുപോലെ ഇന്ത്യയില്‍ നടക്കും.
