തിരുവനന്തപുരം : കന്യാസ്ത്രീ മഠത്തിനുള്ളില് കടന്ന് പ്രായപൂര്ത്തിയാകാത്ത പെണ്കുട്ടികളെ പീഡിപ്പിച്ച മൂന്നുപേര് അറസ്റ്റില്. തിരുവനന്തപുരം കഠിനംകുളത്തെ കന്യാസ്ത്രീ മഠത്തിലാണ് സംഭവം. പെണ്കുട്ടികള് മൂന്ന് മാസം മുമ്പാണ് മഠത്തില് എത്തിയത്.
വലിയതുറ സ്വദേശികളായ മെഴ്സണ്, രഞ്ജിത്ത്, അരുണ് എന്നിവരാണ് പോലീസ് പിടിയിലായത്. പെണ്കുട്ടികളുടെ സുഹൃത്തുക്കളാണ് ഇവരെന്നാണ് വിവരം. കഴിഞ്ഞ ദിവസം പെണ്കുട്ടികളെ കണ്ട് മടങ്ങുന്നതിനിടെ യുവാക്കള് പട്രോളിങ് സംഘത്തിന്റെ മുന്നില്പ്പെടുകയായിരുന്നു.
അസമയത്ത് ഇവരെ കണ്ടതിനെ തുടര്ന്ന് കസ്റ്റഡിയിലെടുത്ത് ചോദ്യം ചെയ്തതോടെയാണ് പീഡനവിവരം പുറത്തറിയുന്നത്. പ്രതികള്ക്കെതിരെ പോക്സോ വകുപ്പുകള് ചുമത്തി കഠിനംകുളം പോലീസ് കേസെടുത്തു. അതേസമയം മദ്യം കൊടുത്ത ശേഷം പീഡനത്തിനിരയാക്കിയതായും സ്ഥിരീകരിക്കാത്ത റിപ്പോര്ട്ടുകളുണ്ട്.
