ജോഹാന്നാസ്ബര്ഗ്: ഐസിസി മുന് അമ്പയര് റൂഡി കോര്ട്സണ് കാറപകടത്തില് മരിച്ചു. ദക്ഷിണാഫ്രിക്കയിലെ റിവേഴ്സ്ഡേലില് വെച്ചാണ് അപകടമുണ്ടായത്. 73 കാരനായ കോര്ട്സണ് 108 ടെസ്റ്റുകളിലും 209 ഏകദിനങ്ങളിലും 14 ട്വന്റി 20 മത്സരങ്ങളിലും അമ്പയറായിട്ടുണ്ട്. കോര്ട്സന്റെ മകനായ റൂഡി കോര്ട്സണ് ജൂനിയറാണ് അച്ഛന്റെ വിയോഗം ലോകത്തിനെ അറിയിച്ചത്.
‘അദ്ദേഹം ഒരു സുഹൃത്തിനൊപ്പം ഗോള്ഫ് കളിക്കാനായി കേപ്ടൗണിലേക്ക് പോയതായിരുന്നു. തിങ്കളാഴ്ച മടങ്ങിവരുമെന്നാണ് ആദ്യം അറിയിച്ചത്. പിന്നീട് ഒരു ദിവസം കൂടി തങ്ങാന് തീരുമാനിച്ചു. വീട്ടിലേക്ക് മടങ്ങിവരുന്ന വഴിയ്ക്കാണ് അപകടമുണ്ടായത്’- കോര്ട്സണ് ജൂനിയര് ദക്ഷിണാഫ്രിക്കയിലെ അല്ഗോവ എഫ്.എം ന്യൂസിനോട് പറഞ്ഞു.
1981ലാണ് റൂഡി ആദ്യമായി അമ്പയറിങ് കരിയര് ആരംഭിക്കുന്നത്. 1992ല് നടന്ന ഇന്ത്യ-ദക്ഷിണാഫ്രിക്ക ടെസ്റ്റ് മത്സരത്തിലൂടെ അന്താരാഷ്ട്ര അമ്പയറിങ്ങില് അരങ്ങേറ്റം കുറിച്ചു. 331 രാജ്യാന്തര മത്സരങ്ങളിലും റൂഡി അമ്പയറിങ് ചെയ്തിരുന്നു.
