തിരുവനന്തപുരം : ഐഎസിലേക്ക് ആളുകളെ റിക്രൂട്ട് ചെയ്യാനും മറ്റും സഹായം നല്‍കുന്നതായി കണ്ടെത്തിയ സാതിക് ബച്ച എന്നയാള്‍ക്ക് വേണ്ടി എഐഎയുടെ തെരച്ചില്‍ തിരുവനന്തപുരത്തും. കഴിഞ്ഞ ഫെബ്രുവരിയില്‍ കൂട്ടാളികളായ നാല് പേര്‍ക്കൊപ്പം ചേര്‍ന്ന് പോലീസ് ഉദ്യോഗസ്ഥനെ കൊലപ്പെടുത്താന്‍ ശ്രമിച്ചതായും പരാതിയുണ്ട്.
തിരുവനന്തപുരത്തിന്റെ വിവിധ ഭാഗങ്ങളില്‍ നടത്തിയ തെരച്ചിലില്‍ ഇലക്ട്രോണിക്ക് ഉപകരണങ്ങളും രേഖകളും കണ്ടെടുത്തതായി എന്‍ഐഎ വ്യക്തമാക്കി. ഇയാള്‍ ഐഎസുമായും ബന്ധങ്ങളുണ്ട്. ഐഎസിന് വേണ്ടി ഫണ്ട് സ്വരൂപിക്കുകയും വിഘടനവാദ സംഘടനങ്ങള്‍ രൂപീകരിച്ച് ഐഎസ് റിക്രൂട്ടിങ്ങില്‍ ഇയാള്‍ പങ്കാളിയാക്കുന്നതായും കണ്ടെത്തിയിട്ടുണ്ട്.
കഴിഞ്ഞ ഫെബ്രുവരിയില്‍ മയിലാടുംതുറൈയില്‍ വാഹന പരിശോധന നടത്തുന്നതിനിടെയാണ് സാതിക്കും സംഘവും പോലീസ് ഉദ്യോഗസ്ഥനെ കൊല്ലാന്‍ ശ്രമിച്ചത്. പോലീസുകാരെ അപകടപ്പെടുത്തി സാത്തിക്കും സംഘവും രക്ഷപ്പെടുകയായിരുന്നു. നാല് മാസമായി സാതിക്കിനായി പോലീസ് തെരച്ചില്‍ നടത്തി വരികയാണ്.
പ്രതികരിക്കാൻ ഇവിടെ എഴുതുക: