കോട്ടയം: തലയോലപ്പറമ്പില്‍ പ്ലസ്ടു വിദ്യാര്‍ഥിനി പുഴയില്‍ചാടി ആത്മഹത്യ ചെയ്തു.വെട്ടിക്കാട്ട് മുക്ക് പലത്തിന് മുകളില്‍ നിന്നു മൂവാറ്റുപുഴയാറിലേക്ക് ചാടുകയായിരുന്നു.വെട്ടിക്കാട്ടുമുക്ക് കുഴിയം തടത്തില്‍ പൗലോസ് മാത്യുവിന്റെ മകള്‍ ജീന്‍സി(17)ആണ് മരിച്ചത്.തിരുവനന്തപുരം നവോദയ സ്‌കൂളിലെ വിദ്യാര്‍ഥിനിയാണ്.ഇന്നലെ രാത്രി 12.30നാണ് സംഭവം നടന്നത്.
ഇന്ന് തിരുവനന്തപുരത്തേയ്‌ക്ക് പോവാനിരിക്കുകയായിരുന്നു.അതിനായി സാധനങ്ങള്‍ എടുത്തുവച്ചതിന് ശേഷം ഭക്ഷണം കഴിച്ച് ഉറങ്ങാന്‍ കിടന്നിരുന്നു.ഇതിന് ശേഷം അര്‍ദ്ധരാത്രിയോടെ വീട്ടുകാര്‍ കാണാതെ പെണ്‍കുട്ടി പുറത്തിറങ്ങി.പെണ്‍കുട്ടി പാലത്തില്‍ നിന്ന് ചാടുന്നത് ഒരു ഓട്ടോ ഡ്രൈവര്‍ കണ്ടിരുന്നു.ഇയാള്‍ അറിയിച്ചതിനെത്തുടര്‍ന്ന് കടുത്തുരുത്തി അഗ്നിരക്ഷ സേനയില്‍ നിന്നുളള സംഘം എത്തി തിരച്ചില്‍ നടത്തി മൃതദേഹം പുലര്‍ച്ചെ രണ്ടരയോടെ കണ്ടെത്തി.സംസ്‌ക്കാരം വെളളിയാഴ്‌ച്ച വൈകിട്ട് തലയോലപ്പറമ്പ് സെന്റ് ജോര്‍ജ് പളളി സെമിത്തേരിയില്‍ മാതാവ്: മോളി പൗലോസ്. സഹോദരങ്ങള്‍: ജിന്‍സ്, ജിനു
