കോഴിക്കോട്: കാലിക്കറ്റ് സർവകലാശാല മുൻ വിസി ഡോ. അബ്ദുൾ സലാം ശബരിമല ചവിട്ടി. മല ചവിട്ടിയതിന്റെ അനുഭവവും അനുഭൂതിയും ചിത്രങ്ങള് സഹിതം ഫെയ്സ്ബുക്കിലൂടെ അദ്ദേഹം പങ്കുവെച്ചു.
‘ ഇന്ന് ശബരിമല ദർശനം നടത്താനുള്ള ഭാഗ്യം ലഭിച്ചു. സ്വാമി അയ്യപ്പന്റെയും വാവര് സ്വാമിയുടെയും സന്നിധിയിലെത്തി പ്രാർത്ഥിച്ചു. അതൊരു അവിശ്വസനീയമായ അനുഭവമായിരുന്നു.’ എന്നാണ് ഡോ. അബ്ദുൾ സലാം ഫെയ്സ്ബുക്കിൽ കുറിച്ചിരിക്കുന്നത്.
കാലിക്കറ്റ് സർവകലാശാല വൈസ് ചാൻസലറായിരുന്ന അബ്ദുൽ സലാം പിന്നീട് ബി.ജെ.പി അംഗത്വം സ്വീകരിച്ചു.ഇപ്പോള് ബിജെപി ന്യൂനപക്ഷ മോർച്ച ദേശീയ ഉപാധ്യക്ഷനാണ്. കഴിഞ്ഞ വർഷം ബി.ജെ.പി ദേശീയ അധ്യക്ഷൻ ജെ.പി. നഡ്ഡയാണ് അബ്ദുള് സലാമിന് പുതിയ പദവിയില് നിയമിച്ചത്. ഇക്കഴിഞ്ഞ കേരള നിയമസഭാ തെരഞ്ഞെടുപ്പിൽ തിരൂർ മണ്ഡലത്തിൽ ബിജെപിയുടെ ടിക്കറ്റില് മത്സരിച്ച് തോറ്റിരുന്നു.
