ചിയാന് വിക്രമും പാ.രഞ്ജിത്തും ഒന്നിക്കുന്ന പുതിയ ചിത്രം ചിയാന്61ന്റെ പൂജ ചടങ്ങുകള് ചെന്നൈയില് വെച്ച് നടന്നു. സ്റ്റുഡിയോ ഗ്രീനും നീലം പ്രൊഡക്ഷന്സും ചേര്ന്ന് ഒരുക്കുന്ന ചിത്രം നിര്മ്മിക്കുന്നത് കെ ഇ ജ്ഞാനവേല്രാജയാണ്. പത്തൊമ്പതാം നൂറ്റാണ്ടില് ബ്രിട്ടീഷ് കാലഘട്ടത്തില് കെ.ജി.എഫ്-ല് നടന്ന ഒരു സംഭവത്തെ ആധാരമാക്കിയാണ് ചിത്രം ഒരുങ്ങുന്നത്.
തമിഴിലെ ഹിറ്റ് മേക്കര് ജി.വി. പ്രകാശ്കുമാര് ചിത്രത്തിനായി സംഗീതം ഒരുക്കുന്നു. കിഷോര് കുമാര് ഛായാഗ്രഹണവും സെല്വ ആര് കെ ചിത്രസംയോജനവും നിര്വ്വഹിക്കുന്നു.എസ്എ.സ്. മൂര്ത്തിയാണ് കലാ സംവിധായകന്. പിആര്ഒ – ശബരി
